'Zgjedhorja'/ Bardhi: PS në tryezë me arkitektin e blerjes së votës! Qeveria të heqë gjendjen e jashtëzakonshme, t'i hapë rrugë zgjedhjeve të lira

TIRANE- Sekretari i Përgjitshëm i Partisë Demokratike Gazment Bardhi ka reaguar lidhur me arritjen e marrëveshjes së palëve për Reformën Zgjedhore. Bardhi thotë se marrëveshja u arrit me ndërmjetësimin e partnerëve ndërkombëtarë, pavarësisht propagandës për të mbuluar thelbin e saj. Teksa ka botuar disa prej pikave të dakordësuara në tryezë, Bardhi thekson se kjo reformë nuk do të diktohet nga qeveria e votave të blera, vendimet do merren me konsesur jashtë parlamentit, duke e cilësuar atë vetëm një noter formal të vendimeve të tryezës politike.

Bardhi thumbon Partinë Socialiste me një sulm të drejtëpërdrejtë për bashkëkryetarin e Komisionit për Reformën Zgjedhore, Damian Gjiknuri, i akuzuar më herët nga PD për përfshirje në shit-blerjen e votave. Ndërsa i bën thirrje qeverisë të heqë gjendjen e jashtëzakonshme për t'i hapur rrugë zgjedhjeve të lira dhe të ndershme.

"Propaganda është më e ethshme se asnjëherë për të mbuluar thelbin e asaj që u arrit me ndërmjetësimin e partnerëve ndërkombëtarë:
1.Reforma zgjedhore nuk do të diktohet nga qeveria e votave të blera.
2.Vendimet për reformën zgjedhore do të marren me konsensus jashtë Parlamentit ilegjitim.
3. Parlamenti është vetëm noter formal i vendimeve të tryezës politike.
Përfaqësimi në tryezën e reformës zgjedhore me një nga arkitektët e blerjes së votës është në turpin e PS. Në dorën tonë nuk është të zgjedhim kundërshtarin, por të bëjmë çdo gjë për zbatimin e reformës zgjedhore, që çon vendin drejt zgjedhjeve.
Në dorën e qeverisë është të heqë gjendjen e jashtëzakonshme dhe t’u hapë rrugë zgjedhjeve të lira e të ndershme", shkruan Bardhi.

Dokumenti i publikuar nga Bardhi

TAG:
• PD
• reforma zgjedhore
• gazmend bardhi