Autoriteti Rrugor Shqiptar ka publikuar pamje nga punimet për zgjerimin e superstradës Tiranë-Durrës.

Krahas pamjeve, ARRSH shkruan se punimet në Fazën III po vijojnë me ritme të larta, duke shënuar progres dhe duke tejkaluar grafikun e parashikuar të punimeve.

Po ashtu në njoftim theksohet se në kantier po punohet intensivisht në disa fronte njëkohësisht, përfshi ndërtimin e nyjes së re të Laknasit dhe i mbikalimit të ri të Kasharit.

Në përfundim të njoftimit, ARRSH nënvizon se zgjerimi i superstradës Tiranë-Durrës është një nga projektet më të rëndësishme infrastrukturore kombëtare, që ka për qëllim rritjen e kapacitetit të këtij aksi dhe përmirësimin e sigurisë rrugore.

Njoftimi i Autoritetit Rrugor Shqiptar:

Tiranë–Durrës Faza III

Punimet për zgjerimin e Superstradës Tiranë–Durrës, Faza III, vijojnë me ritme të larta, duke shënuar progres të ndjeshëm dhe duke tejkaluar grafikun e parashikuar të punimeve.

Në kantier punohet intensivisht në disa fronte njëkohësisht:

Vijon ndërtimi i nyjes së re të Laknasit dhe i mbikalimit të ri të Kasharit

Punohet për formimin e trupit të rrugës dhe realizimin e ndërhyrjeve të tjera të parashikuara në këtë fazë.

Zgjerimi i superstradës Tiranë-Durrës është një nga projektet më të rëndësishme për infrastrukturën rrugore kombëtare, që synon:

Rritjen e kapacitetit të aksit Tiranë–Durrës

Përmirësimin e sigurisë rrugore

Lehtësimin e qarkullimit dhe reduktimin e problematikave në një prej akseve më të ngarkuara të vendit.