TIRANË -Marsida Xhaferllari, Elsa Toska, Sokol Binaj (kryetari i ri), Anila Leka, Edlira Petri, Enton Dhimitri, Arta Marku, Etjen Kapo dhe Klodiana Mema do të jetë 9 anëtarët e rinj të Këshillit të Emërimeve në Drejtësi për vitin 2022. Sipas ligjit kryetari i ri do të jetë Sokol Binaj si përfaqësues i Gjykatës së Lartë.
Pak javë më parë Gjykata Kushtetuese, Këshilli i Lartë Gjyqësor dhe Këshilli i Lartë i Prokurorisë, dërguan në Institucionin e Presidentit të Republikës listat me emrat e gjyqtarëve dhe prokurorëve, të cilët sipas këtyre organeve plotësojnë kushtet e parashikuara në ligj, për t`u përfshirë në short.
Në KED zgjidhet 2 anëtarë nga Gjykata Kushtetuese, 1 përfaqësuesi i Gjykatës së Lartë, 1 përfaqësues i Prokurorisë së Përgjithshme, 2 përfaqësues nga Gjykatat e Apelit, 2 përfaqësues të Prokurorive të Apelit, 1 përfaqësues nga Gjykatat Administrative.
Këshilli i Emërimeve në Drejtësi është një organ kolegjial, i përbërë nga 9 anëtarë me një mandat 1 vjeçar, dhe është përgjegjës për vlerësimin e kritereve profesionale e morale të kandidatëve për anëtarë të Gjykatës Kushtetuese dhe për Inspektor të Lartë të Drejtësisë.
Anëtarët e zgjedhur të Këshillit të Emërimeve në Drejtësi e ushtrojnë detyrën më kohë të pjesshme, pa u shkëputur nga funksionet e tyre të zakonshme, për një mandat njëvjeçar, që fillon në datën një janar të çdo viti kalendarik. Gjykata e Lartë siguron mbështetjen e nevojshme organizative, administrative dhe financiare për realizimin e funksioneve të Këshillit të Emërimeve në Drejtësi, të parashikuara në Kushtetutë dhe në ligj.
Këshilli i Emërimeve në Drejtësi mblidhet sa herë është e nevojshme, për të kryer verifikimin e kushteve ligjore dhe për vlerësimin e kritereve profesionale e morale të kandidatëve për Inspektor të Lartë të Drejtësisë, si dhe të kandidatëve për anëtarë të Gjykatës Kushtetuese. Ky Këshilli shqyrton dhe i rendit kandidatët sipas meritës profesionale. Renditja e kandidatëve nuk është e detyrueshme
Organet e emërtesës, Presidenti, Kuvendi dhe Gjykata e Lartë, emërojnë dhe zgjedhin gjyqtarin e Gjykatës Kushtetuese ndërmjet tre kandidateve të renditur në tri vendet e para nga Këshilli. Kuvendi zgjedh Inspektorin e Lartë të drejtësisë ndërmjet pesë kandidatëve të renditur në pesë vendet e para nga Këshilli.
Në rastin kur këto organe të emërtesës nuk arrijnë të emërojnë dhe zgjedhin kandidatin, i emëruar në detyrë është kandidati i renditur i pari nga Këshilli i Emërimeve në Drejtësi.
Emrat e zgjedhur dhe ato zëvendësues
Gjykata Kushtetuese:
Anëtarë Marsida Xhaferllari dhe Elsa Toska! Altin Binaj, zëvendësues
Gjykata e Lartë:
Sokol Binaj anëtar, Sandër Simoni zëvendësues
Prokuroria e Përgjithshme:
Anila Leka anëtare, Thoma Jano zëvendësues
Gjykatat e Apelit:
Edlira Petri dhe Enton Dhimitri anëtarë, Ridvan Hado zëvendësues.
Prokuroritë e Apelit:
Arta Marku dhe Etjen Kapo anëtarë, zëvendësues Genti Xholi
Gjykatat Administrative:
Klodiana Mema anëtare, Erarbër Madhi zëvendësues
Paraditën e sotme në Presidencë u hodh shorti për anëtarët e rinj të KED. Presidenti Ilir Meta nëpërmjet një statusi në ‘Facebook’ shprehet se shorti i zhvilluar ishte transparent.
“Me transparencë të plotë, në prani të përfaqësuesve të të gjitha institucioneve të përfshira në proces dhe me pjesëmarrjen e mediave të interesuara, që transmetuan live gjithçka, zhvilluam sot në Institucionin e Presidentit të Republikës procedurën e hedhjes së shortit për zgjedhjen e anëtarëve të Këshillit të Emërimeve në Drejtësi, që do të funksionojë përgjatë vitit 2022. Ju uroj anëtarëve të sapozgjedhur të Këshillit të Emërimeve në Drejtësi, shumë suksese dhe përmbushjen e detyrës, me përgjegjësi dhe integritet të lartë, ashtu siç ligji dhe Kushtetuta sanksionon”, shkruan Meta.
Kompletohet KED. Klodiana Mema do të jetë anëtarja e 9 në Këshillin e Emërimeve në Drejtësi si përfaqësues i Gjykatave Administrative. Anëtari zëvendësues është Erarbër Madhi.
Arta Marku zgjidhet në Këshillin e Emërimeve në Drejtësi si përfaqësues i prokurorive të Apelit. Anëtari tjetër i këtij institucioni është Etjen Kapo. Ndërsa anëtari zëvendësues është Genti Xholi.
23 ishin kandidatët e gjykatave të Apelit në vend të cilët plotësonin kushtet për të qenë anëtarë të Këshillit të Emërimeve në Drejtësi për vitin 2022, nga të cilët u zgjodhën 2.
Edlira Petri dhe Enton Dhimitri janë anëtarët, ndërsa Ridvan Hado është zëvendësuesi.
Nga 9 kandidatë të Prokurorisë së Përgjithshme, Anila Leka është përzgjedhur nga goglat si anëtare të Këshillit të Emërimeve në Drejtësi. Thoma Jano është anëtari zëvendësues i këtij institucioni.
Nga 9 kandidatë të Gjykatës së Lartë shorti ka përzgjedhur z. Sokol Binaj si anjëtar të Këshillit të Emërimeve në Drejtësi. Sipas ligjit Binaj do të jetë edhe kryetari i ri i KED.
Ndërkohë që Sandër Simoni është anëtari zëvendësues.
Marsida Xhaferllari dhe Elsa Toska zgjidhen përfaqësuesit e Gjykatës Kushtetuese në Këshillin e Emërimeve në Drejtësi.
Ndërsa anëtari zëvendës i Kushtetueses në KED është zgjedhur Altin Binaj.
Komente
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
‘Lazarati’/ Gjykata e Lartë kthen për rigjykim 5 anëtarët e grupit të zjarrit! Dosja në dorë të GJKKO
21 Dhjetor, 10:45
-
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53
Emri i Xhaferllarit,i futur nga dritarja ne GJK nga Ilir Metaj,per interesat e tij personale,megjithese ajo nuk ka kaluar ne veting si te gjithe gjyqtaret e tjere ne shqiperi dhe emri i saj eshte permendur ne shtyp nga Izet Haxhia dhe per lidhje me persona me precedente penale, me ben pershtypje negative qe propozohet nga GJK per tu zgjedhur ne KED dhe patjeter qe "do zgjidhej" dhe ketu me "short"!Keto marifete vetem nje xhongler i tipit Metaj mund ti beje e ti spjegoje!Dhe megjithese ket histori qe i kushtoi vendin e punes Arta Vorpsit,e cila u rendit e para ne listen e KED per ne GJK miraruar dhe nga parlamenti,e dine te gjithe, per cudine e ketij populli te gjitha insitucionet ligjberese e ligjzbatuese heshtin!!! Vendimin e parlamentit e beri nul dora vete,marifetciu president dhe Xhaferllari vazhdon e qete ,pa iu neneshtruar vetingut te detyrueshem,punen e aktivitetin e saj ne sherbim te Ilir Metes.Cudi nuk eshte? I duhet thene bravo Xhaferllarit dhe Metes per fuqine qe kane dhe ju imponohen parlamentit GJK-se KLP e KLGJ-se me marifetet e tyre!
PërgjigjuPo mos eshte me i mire modeli i Anila Leka qe nuk e ka idene e sistemit, ka mbetur aty gjasme si e ndershme.
PërgjigjuMe modelin Xhaferllari do ece perpara reforma ne drejtesi???? Keta tallen me njerezit!
Përgjigju