Zhupa: Begaj, nuk u bë dot garant i kushtetutës dhe interesit publik

Deputetja Ina Zhupa ka reaguar pas dekretimit te ligjit “Per Zonat e Mbrojtura” nga Presidenti Begaj. Ajo shprehet se nuk ka arritur te mbroj kushtetuten dhe interesin publik dhe se ka dekretuar një ligj me arsyetime absurde. 

'Presidenti nuk u bë dot garant i kushtetutës dhe interesit publik. Keqardhje për argumentat që edhe juristët e sapo diplomuar nuk do i shkruanin aq mediokre si ato për dekretimin e ligjit “Për zonat e Mbrojtura”

LEXO EDHE:
Vangjeli: Edhe Rama do ta votonte Gazmend Bardhin për kryetar të PD

Presidenca dhe ekipi misterioz, flet për “shqyrtim abstrakt” edhe ka bërë një arsyetim absurd. Nuk e shikojnë dot shkeljen e Marrëveshjes së Stabilizim Asocimit, nuk e shikojnë dot shkeljen e konventave ndërkombëtare për mjedisin, nuk e shikojnë dot shkeljen e kushtetutës.

 “Institucioni i Presidentit të Republikës ka detyrë të mbikëqyrë vetëm respektimin e procedurës kushtetuese në procesin ligjvënës”- ku e ka gjetur këtë që duhet shikoj vetëm procedurë dhe jo normat dhe parimet kushtetuese dhe standartet e BE dhe konventave që ka ratifikuar vendin,  do ngelet mister ashtu si emrat e ekipit që e këshillon. Uroj që ky ekipi i thirrur për konsultë mos jetë nga zyra e kryeministrit.

Zonat e Mbrojtura janë aset kombëtar dhe do i mbrojmë me të gjitha mjetet, duke mos lejuar betonizimin dhe shkatërrimin e tyre. 

Presidenti i hoqi shansin vetën që të shikohej si institucion i pavarur.'- shkruan Zhupa.

Lajmi kryesor:

Begaj dekreton ligjin ‘Për Zonat e Mbrojtura’ pas konsultave me ekspertë: S'ka përplasje me direktivat e BE-së! Tabaku: Do ta çojmë në 'Kushtetuese'

M.Q./Shqiptarja.com

TAG:
• Bajram Begaj
• zonat e mbrojtura
• gazment bardhi
• Jorida Tabaku