POP 5

Lajmet më të lexuara të 5 minutave të fundit

Sociale

Zhupa: Sot nis një rrugë pa kthim për të drejtat, dinjitetin e pedagogëve dhe studentëve

Zhupa: Sot nis një rrugë pa kthim për të drejtat, dinjitetin e pedagogëve dhe studentëve

1665405770_inazhupa.JPG

Në ditën e nisjes së vitit të ri akademik, deputetja e Partisë Demokratike, Ina Zhupa, thotë se sot nis një rrugë pa kthim për të drejtat e pedagogëve dhe studentëve. Nëpërmjet një postimi në rrjetet sociale, deputetja demokrate ka rreshtuar edhe kërkesat e pedagogëve.

Postimi i plotë i Ina Zhupës

Nisja e vitit të ri akademik duhet të ishte një moment gëzimi për koleget e mi pedagog dhe për studentet tanë. Fatkeqësisht nuk është kështu!

PEDAGOGET

Janë në protestë me kërkesat e tyre të drejta dhe realisht të arsyeshme dhe minimaliste. Sot në orën 10:00 protestojnë sërisht dhe bojkojnë mësimin.

Ata kërkojnë: -Rritjen e pagës 30 % këtë vit dhe 20 % vitin e ardhshëm si parakusht për të venë sado pak në rrugën e zgjidhjes çështjen e trajtimit dinjitoz të punonjësve të universiteteve, përfshi stafin akademik dhe atë ndihmës; -Rritjen e financimit për kerkimin shkencor; -Rivendosjen e shtesave mbi rrisqet për dëmtimin e shëndetit në punë; -Rritjen e shtesës mbi pagën për vjetërsinë në punë; -Rritjen e pagesës së orëve të ngarkesës suplementare; -Rivlerësimin e orës mësimore pasi ka zbritje prej 50% të pagesës së orës mësimore si rezultat i mosdiferencimit të orës mësimore të leksionit me seminarin.; -Rishikimin e tatimit prej 23% mbi pagesën e ngarkesës suplementare.; -Pezullimin deri me 2026 i zbatimit të doktoraturave të udhëhequra për kriteret e marrjes se titullit "Profesor'.; -Bërja transparente e buxhetit dhe te ardhurave të universiteteve publike

STUDENTËT

Të harruarit e qeverisjes. Që nga 2019 e sot çdo ditë e tyre edhe familjeve të tyre ka qënë më e vështirë ekonomikisht por askujt nuk pyet. Atyre dhe familjeve të tyre u është rritur kosto e qerave të shtëpisë në Tiranë; është rritur kostoja e transportit;   është rritur kostoja për tu ushqyer;  është rritur kostoja për tu veshur;  është rritur pagesa e librave,  është rritur pagesa e orës internetit.

Çdo faturë ka shkuar dyfish dhe qeveria nuk jep asgjë si paketë ndihmë financiare.  Megjithatë sot është dita e tyre, e pedagogëve dhe studentëve, e le të nis nga sot një rrugë pakthim për të drejtat dhe dinjitetin e tyre. Suksese!


Lajmi kryesor:

Opozita mbështet protestën e pedagogëve! Berisha: Vendimi i tyre parandalon shuarjen e universiteteve! Meta: Po i japin leksion shoqërisë si rivendoset dinjiteti në punë
M.Q./Shqiptarja.com
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri

Kosova mbyll dy ndërmarrje publike serbe në veri

26 Dhjetor, 21:13