Një gomone e policisë kufitarë në Himarë është përfshirë nga zjarri pasditen e kësaj të hënë dhe ka mbetur i plagosur lehtë edhe drejtuesi i saj. 

Sipas policisë shkak i zjarrit ka qenë një shkëndijë elektrike dhe gomonia ka qenë e fikur dhe e parkuar në port në momentin që është konstatuar rënia e zjarrit.

Efektivi i policisë kufitarë që është plagosur është B.I., 46-vjeç. Ai është dërguar në spitalin Rajonal të Vlorës, jashtë rrezikut për jetën.

Deklarata e plotë e Policisë

"Rreth orës 19:35, ka rënë zjarr në një nga gomonet e Portit të Policisë Kufitare në Himarë (i fikur, i parkuar në port) ku është dëmtuar pjesërisht gomonia gjithashtu edhe drejtuesi i këtij mjeti, shtetasi me inicialet B.I., 46 vjeç, banues në Himarë (Punonjës i Policisë Kufitare Himarë), i cili është dërguar në spitalin Rajonal të Vlorës, jasht rrezikut për jetën.

Paraprakisht bëjmë me dije se zjarri është shkaktuar për pasojë të një shkëndije elektrike në momentin kur drejtuesi i gomones ka qenë duke kryer shërbimet përkatëse të nxjerrjes së ujit, nëpërmjet ndezjes së pompës".


Redaksia Online
Al.Ç/Shqiptarja.com