DURRES- Një hotel në zonën e Shkëmbit të Kavajës në qytetin e Durrësit është përfshirë nga flakët, ndërsa nuk janë janë shënuar pasoja në njerëz, por janë regjistruar dëme të konsiderueshme materiale.

Flakët e zjarrit që përfshinë hotelin kanë shkrumbuar edhe katër automjete pushuesish, ndërsa në vendngjarje kanë mbërritur tre zjarrfikëse nga qyteti i Durrësit dhe forcat e rendit. 

Policia dhe forcat zjarrfikëse fillimisht kanë evakuar pushuesit që ndodheshin pranë godinës së përfshirë nga flakët deri në 500 metra largësi nga vatra e zjarrit dhe më pas kanë filluar punën për vënien nën kontroll të flakëve.

Mësohet se zjarri fillimisht ka përfshirë guzhinën e hotelit dhe më pas është përhapur më shpejtësi në pjesë të tjera të tij, ndërsa tashmë është mundur të neutralizohet, duke normalizuar situatën.
zjarri ne durres logo
zjarri ne durres logo 1
(Foto: Zjarri në hotelin në Durrës dhe makinat e djegura)

Redaksia Online
(e.s/shqiptarja.com)