POP 5

Lajmet më të lexuara të 5 minutave të fundit

Kronikë

Zjarri në Shëngjin, Pjerin Ndreu sfidon Policinë e Shtetit: Ishte i qëllimshëm, asnjë i ndaluar

Kryetari i Bashkisë së Lezhës, Pjerin Ndreu ka hapur polemika për zjarrin në Shëngjin. Ai pretendon se ka qene zjarrvënie e qëllimshme, por policia nuk ka identifikuar autorin. Deklarata e tij shkon përkundër Taulant Ballës, i cili në fund të detyrës si Ministër i Brendshëm deklaronte se nuk ishte zjarr i qëllimshëm

Kryetari i Bashkisë së Lezhës, Pjerin Ndreu ka sfiduar Policinë e Shtetit duke deklaruar se zjarri në Shëngjin ishte i qëllimshëm, por autori ende nuk është identifikuar.

“Ka persona të papërgjegjshëm që vënë zjarrin arsyet s’mund t’i them dhe nuk i di përsa kohe s’ka njeri të ndaluar”.- tha Ndreu.

Kryebashkiaku e bëri këtë deklaratë gjatë mbledhjes së fundit të këshillit bashkiak, kur u përball me akuzat e opozitës për mungesë logjistike në shërbimin e zjarrfikëses.  Ndreu mori në mbrojtje, zjarrfikësit por jo policët. 

Deklarata e tij shkon edhe kundër Taulant Ballës, i cili në ditën e fundit si Ministër i Brendshëm do të deklaronte se zjarri ishte i paqëllimshëm.

 “Sipas vleresimit paraprak të policisë së shtetit nuk kemi të bëjmë me një zjarrvënie të qëllimshme. Sepse dihet në këto raste duhet të bëjmë gjithçka të gjejmë autorin”.- tha Balla në 30 korrik.

Në fund të muajit korrik, Rana e Hedhun në Shëngjin u përball me zjarre masive në pyje dhe kullota, ku u dogjën plotësisht 30 hektarë me pisha dhe bimësi të rrallë. Veç dëmeve në mjedis, flakët dogjën pjesërisht 3 banesa dhe 1 lokal veror në plazh.

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

2 Nëntor, 15:05 nga Alban Daci