BULQIZË - Bilancit tragjik të aksidenteve në punë i shtohet edhe një jetë e humbur në minierën e Bulqizës. Minatori Mehmet Dardha 51 vjeç ka gjetur vdekjen ndërsa punonte në minierë.

Mësohet se janë nevojitur 3 orë për të nxjerrë trupin e pajetë të minatorit të cilin e kishte zënë një masiv shkëmbor në zonën D të minierës në galerinë 1050.

Policia e Bulqizës ndodhet gjithashtu në vendngjarje dhe ka nisur hetimet për zbardhjen e rrethanave të plota të ngjarjes.