Zuri vendin e Xhaçkës, kush është Igli Hasani ministri i ri i Jashtëm

Igli Hasani, një emër jo shumë i njohur në jetën politike shqiptare, është ministri i ri i Jashtëm. Igli Hasani aktualisht ka mbajtur pozicioni e Koordinatorit të Aktiviteteve Ekonomike dhe Mjedisore të OSBE-së.

Përpara anëtarësimit në OSBE, ambasadori Hasani ka qenë Përfaqësues i Përhershëm i Republikës së Shqipërisë pranë OSBE-së dhe organizatave të tjera ndërkombëtare në Vjenë. Në janar 2021, ai mori postin e Kryetarit të Grupit të Partnerëve Aziatikë për Bashkëpunim.

Gjatë kryesimit shqiptar të OSBE-së, ambasadori Hasani ishte Kryetar i Këshillit të Përhershëm të OSBE-së dhe kryetar i Grupit të Kontaktit Mesdhetar si pjesë e Trojkës së OSBE-së në vitin 2019. Ambasadori Hasani ka një përvojë 17 vjeçare në Ministrinë e Mbrojtjes së Shqipërisë në role të ndryshme drejtuese, duke përfshirë si Sekretar i Përgjithshëm (2017-2018), Drejtor i Përgjithshëm për Politikat e Mbrojtjes (2015-2017), Drejtor i NATO-s dhe Marrëdhënieve me Jashtë (2013-2014). dhe Drejtor i Integrimeve Euro-Atlantike (2013-2014). Ai ka diplomuar në Drejtësi, Sociologji dhe Filozofi nga Universiteti i Tiranës, Master në Marrëdhënie Ndërkombëtare nga King’s College në Londër, si dhe është diplomuar në Kolegjin Mbretëror të Studimeve të Mbrojtjes.

Lajmi kryesor:

Asambleja e PS/ Rama ndryshon gati gjysmën e kabinetit qeveritar! Emrat e ministrave të rinj! Largohen Kushi, Xhaçka, Krifca, Bilali dhe Ekonomi

M.Q./Shqiptarja.com

TAG:
• Eridian Salianji
• Romina Kuko
• Etjen Xhafaj
• Evis Kushi
• Eduard Ndreca
• ardian cela
• blendi klosi
• olta xhaçka
• milva ekonomi
• arbi mazniku
• Delina Ibrahimaj
• Albana Koçiu
• ogerta manastirliu
• anila denaj
• igli hasani
• Ervin Mete
• edi rama
• asambleja e PS
• ndryshime ne qeveri