POP 5

Lajmet më të lexuara të 5 minutave të fundit

Kronikë

Zvicër, sulmohen dhunshëm në rrugë pesë gra, i shpëtojnë shqiptarët

Mediat zvicerane shkruajnë se vetëm tre shqiptarë, të cilët kanë ndërhyrë guximshëm ndaj dhunuesve, i kanë shpëtuar gratë nga pasojat fatale të këtij sulmi.
Zvicër, sulmohen dhunshëm në rrugë pesë gra, i shpëtojnë shqiptarët

Vendi ku ndodhi ngjarja në Gjenevë

Katër gra kanë pre e dhunës barbare nga disa persona në rrugët e Gjenevës gjatë orëve të para të mëngjesit. Gratë kanë marrë lëndime të rënda trupore, ndërsa njëra prej tyre ra edhe në gjendje kome. Mediat zvicerane shkruajnë se vetëm tre shqiptarë, të cilët kanë ndërhyrë guximshëm ndaj dhunuesve, i kanë shpëtuar gratë nga pasojat fatale të këtij sulmi.  

Pas këtij sulmi policia ka arrestuar tre persona të dyshuar, të tre francezë të moshës 20-25 vjeç ndërsa prokurorja publike ka thënë se dhunuesit kanë qenë 6 shtetas, të gjithë persona me precedent penalë të mëparshëm. 

Ngjarja
Natën e ngjarjes, gratë shkojnë në klubin 'Le Petit Palace' në zemër të Gjenevës. Ishte pas orës 03.00 të mëngjesit kur njërës prej tyre i afrohet një i huaj dhe ftohet për një pije. Gruaja e re e mban mend mirë këtë person, sepse krahun e kishte vënë mbi banak.

Megjithatë, ajo e refuzon ofertën e njeriut dhe kthehet në vallëzim me shoqet e saj. Aty, gjithashtu, një grua tjetër nga grupi ftohet nga një person tjetër. Më vonë, ai është përshkruar si i hollë dhe me flokë të zinj. Përveç kësaj, asaj mbrëmje në diskotekë ai kishte veshur një këmishë të verdhë me kafkë dhe kryqëzime mbi të.

Për grupin, mbrëmja përfundon pak më vonë në 'Le Petit Palace'. Gratë ikin nga lokali ndërmjet orës 04.00-05.00 të mëngjesit dhe kanë dashur të kthehen në shtëpitë e tyre, kur atyre iu bashkua një grua tjetër e re që ishte e rrethuar me persona të panjohur dhe e sulmuar fizikisht. Shoqet nuk kanë ngurruar dhe kanë dashur ta zgjidhin konfliktin. Por papritur ata e gjejnë veten të përfshirë në një grindje të egër. Sipas deklaratave të grave dhënë policisë, ato papritmas sulmohen nga disa persona dhe rrihen me goditje e shqelma. Midis sulmuesve dyshohet se ka qenë edhe personi që e kishte vendosur krahun mbi banak.

Në fillim të kësaj jave, hetuesit kanë arritur t`i arrestojnë tre sulmuesit. Avokati i viktimave, Robert Assaël, është duke shpresuar se ndaj tyre do të shqiptohet ndonjë vendim i ashpër. “Ky është një sulm shumë i rëndë. Prandaj sulmuesit duhet të akuzohen për vrasje në tentativë”.

Ndërhyrja e shqiptarëve
Dhunës së të rinjve të identifikuar si francezë i janë përgjigjur tre shqiptarë nga Kosova, të cilët kanë ndërhyrë duke shpëtuar gratë nga dhuna barbare. Ndërhyrja e shqiptarëve ka bërë që dhunuesit të largohen me shpejtësi nga vendi i ngjarjes, ndërsa grave iu është dhënë ndihma e parë me mbërritjen e policisë dhe ekipeve të urgjencës. /Albinfo.ch/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46