Zyrtare/ Humbja tronditëse, shkarkohet Filippo Inzaghi

Zyrtare/ Humbja tronditëse, shkarkohet Filippo Inzaghi

Filippo Inzaghi

Salernitana ka konfirmuar shkarkimin e Filippo Inzaghit, ndërsa Fabio Liverani pritet të nënshkruajë me ekipin në rolin e trajnerit të ri. Klubi nga Salerno njoftoi shkarkimin e Inzaghit me një deklaratë zyrtare të dielën në mëngjes.

 “Salernitana njofton se ka liruar trajnerin e ekipit të parë Filippo Inzaghi nga detyrat e tij. Klubi falenderon trajnerin për angazhimin dhe i uron atij më të mirën për të ardhmen e karrierës së tij”, thuhet në reagim.

Inzaghi u emërua në tetor 2023 për të zëvendësuar Paulo Sousa-n, por fituesi i Kupës së Botës me Italinë e 2006 fitoi vetëm dy ndeshje nga 16 në krye të 'Granata-s', duke barazuar katër dhe duke humbur dhjetë herë.

Ish-mesfushori dhe trajneri aktual i Parmës, Liverani, do të zëvendësojë Inzaghin në 'Arechi' dhe sipas Sky Sport Italia, 47-vjeçari do të nënshkruajë kontratën e tij në mbrëmje.

Salernitana është në fund të tabelës së Serie A me vetëm 13 pikë në 24 ndeshje. Ata kanë mbrojtjen më të dobët në Serie A me 47 gola të pësuar. Të premten Salernitana pësoi humbjen 3-1 kundër rivalëve të drejtpërdrejtë, Empolit, gjë që çoi në mënyrë të pashmangshme në shkarkimin e Inzaghit.

Kjo është hera e tretë që Inzaghi shkarkohet në Serie A. Milan, Bologna dhe tanimë Salernitana kanë ndarë rrugët me ish-sulmuesin kampion. Nëse shtojmë edhe Beneventon, për Inzaghin bëhen katër shkarkime.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

Gjermania vlerëson angazhimin e Malit i Zi ndaj reformave evropiane

Gjermania vlerëson angazhimin e Malit i Zi ndaj reformave evropiane