Zyrtare/ Kontratë deri pas Euro 2024, Gjermania prezanton pasuesin e Hansi Flick

Zyrtare/ Kontratë deri pas Euro 2024, Gjermania prezanton pasuesin e Hansi Flick

Julian Nagelsmann

Julian Nagelsmann është emëruar si trajneri kryesor i kombëtares së Gjermanisë në futboll, me kontratë deri pas Euro 2024. Ish-trajneri i Bayern Munich zëvendëson në këtë post të shkarkuarin Hansi Flick.

Gjermania u nda me Flick këtë muaj, një ditë pas humbjes 4-1 në shtëpi ndaj Japonisë në një miqësore. Katër herë kampionët e botës janë në kërkim të formës sportive, teksa kanë dështuar të dalin nga grupet e Kupës së Botës 2018 dhe 2022, kjo nën drejtimin e Flick.

Nagelsmann ka qenë i papunë që prej shkarkimit nga Bayern Munich në mars. 36-vjeçari, i cili më parë drejtoi RB Leipzig dhe Hoffenheim, fitoi Bundesligën 2021-22 me Bayernin, ku edhe pasoi Flick. Ai është trajneri më i ri i Gjermanisë që nga emërimi i 34-vjeçarit Otto Nerz në vitin 1926.

Federata gjermane tha se Nagelsmann kishte qenë "zgjedhja unanime" e saj për të zëvendësuar Flick, i cili u shkarkua pas katër humbjeve në pesë ndeshjet e tij të fundit.

Nagelsmann u shpreh i lumtur pas firmës. “Ne kemi një kampionat evropian në vendin tonë dhe kjo është diçka e veçantë, diçka që ndodh çdo disa dekada. Unë kam një dëshirë të madhe për të marrë përsipër këtë sfidë. Vitin e ardhshëm do të jemi një grup i lidhur ngushtë”, tha trajneri.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 23/09/2023 11:41

    UROJ DHE SHPRESOJ QE GJERMANIA TE MOS FITOI ASNJEHERE AS ME KETE TRAJNER DHE AS ME ASNJE TJETER..

    Përgjigju
  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Sot zgjedhjet në universitete, 12 institucionet publike do të zgjedhin drejtuesit e rinj! Shumica me nga një kandidatë në garë

Sot zgjedhjet në universitete, 12 institucionet publike do të zgjedhin drejtuesit e rinj! Shumica me nga një kandidatë në garë