Vllaznia ka ndarë rrugët me Darko Dodev. Sulmuesi 25-vjeçar dhe klubi shkodran kanë vendosur me mirëkuptim që të ndërpresin marrëveshjen, me maqedonasin që u bashkua me kuqeblutë vetëm në korrikun e këtij viti.

Performanca e tij jo në nivelin e duhur, me nëntë ndeshje dhe asnjë gol në Superligë, ka shtyrë palët që të shkojnë drejt "divorcit". Edhe me Qatip Osmanin në stol, Dodev nuk kishte hapësirat që priste, teksa ai nuk u ambientua me futbollin në Shqipëri.

"KF Vllaznia njofton mbylljen e bashkëpunimit me futbollistin Darko Dodev. Sulmuesi 25 vjeçar dhe klubi kanë vendosur të ndërpresin me mirëkuptim kontratën mes palëve. KF Vllaznia e falënderon Darko Dodev për kontributin e dhënë gjatë kësaj periudhe me skuadrën kuqeblu", njofton Vllaznia.

Kështu, nga Vllaznia largohet një tjetër emër i afruar për të shënuar, por që nuk i mbushi pritshmëritë e drejtuesve.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera