TIRANE - Nga deputetët te sekretarët, ministra dhe zvëndësministra, drejtorët, këshilltarët dhe shumë poste shtetërore që kur dalin në pension përfitojnë shifra duke filluar nga 80 mijë lekë e lart.

Më të “priviligjuarit” janë dhe drejtuesit e gjykatave, Prokurori i Përgjithshëm, Kryetari i Kuvendit, Kryeministri dhe Presidenti i Republikës. Ligji për pensionet suplementare u jep të drejtë rreth 170 drejtuesve të shtetit, prokurorëve dhe antëtarve të gjykatave që të marrin pensione të “kripura”.
 
Grupet e përfituesve
Sa pension marrin drejtuesit e shtetit dhe vartësit e tyre, ku  në 20 vitet e fundit kanë ndryshuar çdo 8 vjet? Për grupin e parë (a) pensioni që merret është 25 për qind e pagës referuese për 2 vjet shërbim dhe 5 për qind më shumë për çdo vit shërbim mbi këta 2 vjet. Kur këta persona nuk plotësojnë periudhën e shërbimit prej dy vjetësh, përfitojnë pension suplementar të reduktuar në masën 1 për qind të pagës referuese për çdo muaj shërbimi.