Tre persona të veshur si policë kanë ekzekutuar me armë zjarri Bujar Çelën, (vëllai i Talo Çelës) teksa po konsumonte kafenë e mëngjesit në një lokal në fshatin Bradashesh. Ngjarja ka ndodhur rreth orës 05:45, ku 62-vjeçari ka gjetur vdekjen e menjëhershme. Forca të shumta të RENEA-s janë përqendruar në Bradashesh ku po zhvillojnë kontrolle të shumta dhe kanë ngritur postoblloqe. Deri tani janë shoqëruar 6 persona që mendohet se mund të kenë dijeni apo të dhëna për ekzekutimin e Bujar Çela.

Koronavirusi është bërë shkaktari që 15 mësues në rajonin e veriut që të mos e nisin punën pasi janë vetë të prekur ose kanë familjarë të infektuar. Këtë e ka konfirmuar edhe Drejtori Rajonal i Arsimit në Lezhë, Bardhok Pulaj i cili thotë se janë marrë masa për zëvendësimin e tyre. Ndërkohë procesi mësimor ka vijuar normalisht.

Ministri i Brendshëm Sandër Lleshaj, ka deklaruar nga Elbasani se do të vijojë të qëndrojë në detyrën e tij.

Ministri I brendshëm ka thënë se ngjarja ishte një goditje e shëmtuar dhe u ka bërë thirrje strukturave të policisë dhe prokurorisë që të punojnë për të zbardhur ngjarjen.

Një aksident ka ndodhur në fshatin Lolaj në Peqin.

Report Tv ka arritur që të sigurojë dëshminë ekskluzive të babait të Denisës një nga të plagosurat, Edmondit Dibra i cili ka rrëfyer momentin se si ka marrë vesh ngjarjen. Në spitalin e Traumës, ai nuk është vetëm si babai i Denisës, por edhe i të plagosurës tjetër, Nervida Garunja, pasi prindërit e kësaj të fundit ndodhen në Shkodër ku kanë hapur dyert e mortit për vajzën tjetër, Lusindës.

Detaje të reja janë zbardhur nga aksidenti tragjik i ndodhur në aksin Tiranë-Elbasan, ku dy  vajza humbën jetën dhe dy të tjera janë në gjendje kritike në Spitalin e Traumës në Tiranë. Të 4 vajzat që po udhëtonin me mjetin 'Volkswagen' ishin nisur drejt Korçës për të festuar ditëlindjen e Denisa Dibrës, 25 vjeç, një nga të plagosurat e aksidentit. Denisa Dibra, e cila ishte drejtuesja e mjetit 'Volkswagen', është vajza e gazetarit sportiv të RTSH-së në Shkodër, Edmond Dibra.