Agjencia Kombëtare e Mbrojtjes Civile bën të ditur se rreshjet e shiut dhe të dëborës pritet që të përfshijnë disa qarqe të vendit këtë mbrëmje dhe ditën e nesërme.

Drejtuesi Politik i PS për Qarkun e Tiranës, Erion Veliaj shpreh bindjen se Partia Socialiste do të jetë një forcë fituese edhe në zgjedhjet e ardhshme të përgjithshme. Gjatë një takimi me këshilltarët socialistë në kryeqytet, Veliaj deklaroi se ai dhe PS e Tiranës do të punojnë edhe më shumë për fitoren e Edi Ramës dhe të Partisë Socialiste në zgjedhjet e 2025.

Ekspertiza për vdekjen e 3-vjeçarit, Brian Spahiu ka sjellë përplasje mes Prokurorisë së Tiranës dhe Institutit të Mjekësisë Ligjore. Prokuroria kërkon të caktojë ekspertë të huaj, ndërsa thotë se mjekët specialistë në vendin tonë, janë në konflikt interesi me personat në hetim. Mjekësia Ligjore thotë se të gjitha procedurat janë kryer si duhet.

Drejtuesi Politik i PS për Qarkun e Tiranës, Erion Veliaj shpreh bindjen se Partia Socialiste do të jetë një forcë fituese edhe në zgjedhjet e ardhshme të përgjithshme. Në takimin me strukturat e PS në Tiranë ai theksoi se degradimi i opozitës nuk duhet marrë si moment gëzimi, por përgjegjësi e shtuar kundrejt qytetarëve. Veliaj shtoi se përballë sjelljes vulgare të opozitës, duhet të triumfojnë edukata, inteligjenca dhe programi i punëve për qytetin

Dy persona të shpallur në kërkim për trafik droge janë ekstraduar nga Italia dhe Greqia në vendin tonë.

Një grup prej tre të rinjsh trafikon drogë nga Shtetet e Bashkuara të Amerikës në Tiranë. Për të sjellë kanabisin në Shqipëri, tre të rinjtë përdoronin dërgesat përmes postës.Në pranga kanë rënë dy të rinj dhe një është shpallur në kërkim. 

Dy helikopterë ‘Black Hawk’, të cilësuar si më të mirët në botë kanë mbërritur në Shqipëri ditën e sotme. Lajmin e bën me dije ambasada amerikane në Tiranë nëpërmjet një postimi në facebook, ku theksohet se helikopterët e rinj të mbërritur nga SHBA do të ndihmojnë në forcimin e aftësive të forcave ajrore të Shqipërisë.

Gjatë një takimi me drejtuesit e strukturave të PS në Tiranë, Erion Veliaj ironizoi Berishën në “arrest shtëpie” duke thënë se e ka reduktuar partinë në një dritare. Ai tha se PS është gati të fitojë mandatin e katërt, jo se ka një kundërshtar të dobët, por sepse afron pranë vetes njerëzit.

Policia e Tiranës bastisi zyrat e disa platformave të cilat tregtonin dekordera që transmetojnë kanale televizive vendase dhe të huaja, të cilat operatorë të ligjshëm dhe të licencuar i ofrojnë me pagesë