15 aksidente më pak u regjistruan në korrik 2025, krahasuar me të njëjtin muaj të vitit të shkuar. Të dhënat nga Instituti i Statistikave flasin për rënie të aksidenteve edhe në periudhën janar-korrik të këtij viti me 16%. Ndërkohë, nga të dhënat e Policisë, që Report Tv përpunoi, rezulton se nga 1 gushti u regjistruan 13 viktima në rrugë, ndërkohë gushtin e një viti më parë, 16 persona humbën jetën në rrugët e vendit.
