Afrohet dimri, dëbora e parë zbardh Majën e Gjalicës në Kukës

12 Tetor 2021, 13:53 | Përditesimi: 12 Tetor 2021, 13:53

Kanë rënë reshjet e para të dëborës për këtë sezon, duke zbardhur Majën e Gjalicës në Kukës, e duke dhënë kështu 'sinjalin' e parë të dimrit. Moti i paqëndrueshëm dhe temperaturat e ulëta, bëjnë që reshjet e shiut të shndërrohen në reshje dëbore në lartësitë 1900 metra mbi nivelin e detit.

Reshje të dendura shiu dhe temperatura mjaft të ulëta shoqërojnë vendin tonë prej ditësh, ndërsa të njëjtat kushte atmosferike pritet të vijojnë edhe gjatë ditëve në vijim.

r.k./Shqiptarja.com