Në vazhdën e diskutimeve për çështjen e inceneratorëve, një tjetër problematikë doli në pah për kontratën e Elbasanit, për të cilën në Agjencinë e Prokurimit Publik nuk ka një shpallje të tenderit. Në cilësinë e ministrit përgjegjës për mjedisin Lefter Koka në vitin 2014 ka kërkuar nga APP, mendim për impiantin e inceneratorit, ku ky institucion i është përgjigjur që gara duhet të jetë me shpallje paraprake, dhe në përputhje me ligjin. Pas këtij komunikimi APP nuk ka asnjë njoftim për këtë procedurë koncesionare nëse u zhvilluar apo jo, fakt i zbuluar gjatë komisionit hetimor në kuvend.
