Ambasadori japonez takim me kryebashkiakun e Fierit: Shqipëria duhet të integrohet në BE

15 Tetor 2021, 12:30 | Përditesimi: 15 Tetor 2021, 12:30

FIER- Ambasadori Japonez në Tiranë, Takada Mitsuyuki ka zhvilluar një takim me kryebashkiakun e Fierit, Armando Subashi në kuadër edhe të ditës së çlirimit të Fierit. Në një deklaratë për mediat, Mitsuyuki shprehu mbështetjen e Shqipërisë për perspektivën evropiane, teksa thekson se integrimi në BE është shumë i rëndësishëm.

“Qeveria japoneze mendon se integrimi i Shqipërisë në Bashkimin Evropian dhe i gjithë rajonit në Bashkimin Evropian është shumë i rëndësishëm. Për këtë arsye edhe qeveria japoneze ka investuar për përmirësimin e cilësisë së jetesës së shqiptarëve sepse mendon që do të jetë një hap më tepër që do të ndihmojë në integrimin në Bashkimin Evropian të Shqipërisë”, tha Mitsuyuki

r.k./Shqiptarja.com