Banorët e Surrojt u bënë pjesë e mbledhjes së fundit të këshillit bashkiak të Kukësit, duke kërkuar me insistim rikonstruksionin e rrugës, që u është premtuar gjate fushatave elektorale. Sakaq, bashkia e Kukesit thekson se vlera e projektit është 521 milionë leke ose 5 herë më e lartë se të ardhurat vjetore të bashkisë. Në këto kushte, bashkia e Kukësit ka kërkuar financim nga Fondi Shqiptar i Zhvillimit por nuk ka marrë përgjigje.
