Basha i ashpër me Berishën: Po shfaqet si një fantazmë e së kaluarës, bëri shumë që të harrohej '97

13 Dhjetor 2021, 17:19 | Përditesimi: 13 Dhjetor 2021, 17:19

Lulzim Basha ka folur me akuza të ashpra ndaj Sali Berishës, për të cilin thotë se po shfaqet si një fantazmë e së kaluarës. Sipas tij ai bëri shumë që të harrohej '97, por po rishfaqet sërish.

'Sali Berisha është sot problemi i PD-së, ai është pakica e dëshpëruar dhe si pakicë e dëshpëruar as sot nuk do ketë mundësi të marrë peng shumicën e demokratëve të cilët janë të vendosur që të shkojnë para dhe të lënë pas të shkuarën. Trekëndëshi i Bermudës e ka mbajt peng 31 vjet Shqipërinë. Ndaj nervoziteti i Sali Berishës po vjen duke u shtruar. Koha na mbaron të gjithëve ne, dhe dikush i madh në moshë, vjen e koritet. Në veri ka një shprehje 'Burri ka kohë me u korit'. Më vjen keq është koritur e shfaqet si një fantazmë e së kaluarës. Sepse bëri shumë që të fshihet '97. Por PD është e vendosur të lërë mbrapa këtë.'- tha Basha.

r.k./Shqiptarja.com