Kryeministri Edi Rama i shoqëruar me ministren për Arsimin, Evis Kushin, po zhvillon një vizitë zyrtare në Itali në kuadër të bashkëpunimit për universitetet. Kreu i qeverisë në Viterbo, Romë, ka zhvilluar një takim me rektorët e universiteteve të Romës dhe rajonit të Lazios, për të rritur bashkëpunimin mes Shqipërisë dhe Italisë në fushën e studimeve universitare, rritur shkëmbimet mes stafeve akademike, bashkuar programe për diploma të dyfishta.
