Berat/Shoqërohen në polici pas protestës për rritjen e çmimeve dy Imamë, mbahen për më shumë se 5 orë: Na akuzojnë për terroristë të dyshimtë për shkak të postimeve në facebook

19 Mars 2022, 09:22 | Përditesimi: 19 Mars 2022, 09:22

Disa ditë pas protestës së organizuar në Berat kundër rritjes së çmimit të karburanteve dhe çmimeve të ushqimeve, policia ka shoqëruar sot dy Imamët Gerald Kora dhe Iqmet Bilali si dhe aktivistin e shoqërisë civile Fatjon Kora, si pjesëmarrës. Edhe pse shoqërimi i tyre fillimisht pas pjesëmarrjes së tyre në protestë, në fakt ishin vetë imamë që sqaruan se u pyetën edhe për dyshime se mund të merrnin pejsë në vepra terroriste. Pas më shumë se 5 orësh në polici, dy Imamët Gerald Kora dhe Iqmet Bilali thanë se ishin shoqëruar si terroristë të dyshimtë pas postimeve në facebook.  Gerald Kora tha se kishte bërë një postim se çfarë armësh duhet të ketë Shqipëria për t'u mbrojtur në rast luftë, ndërsa tjetri tha se kishte bërë një krahasim të vrasjes së fëmijëve nga Izraeli ndaj Palestinës dhe rusëve ndaj atyre të Ukrainës.

 

KT/Shqiptarja.com