Sali Berisha dhe Ilir Meta, në një diferencë vetëm disa minutëshe, dolën sot për mediat në konferenca të ndara për mediat por me axhendë të njëjtë, akuzat ndaj Qeverisë për projektin e Portiti të Durrësit. Të dy e kanë konsideruar një mega aferë që shkon në disa miliardë euro. Meta tha se vetëm transparenca e plotë mund ta qetësojë këtë situatë, ndryshe Edi Rama i ka bërë llogaritë keq tha Meta. Ndërsa Berisha u shpreh se janë falur 1.5 milion metra katror tokë në Durrës. Sipas Berishës, po bëhet një aferë korruptive dhe po dhunohen të gjitha ligjet e vendit për t’u ndërtuar porti turistik nga kompania.