Gazetarja Xhensila Nako ka udhëtuar në Shkodër për t’ju përcjellë jo vetëm atmosferën magjike të fundvitit, por edhe një ditë nga jeta e Stela Toskës, artizane inovative prej 9 vitesh. Në këtë periudhë festash, do të ndajë ide dhuratash unike nga kartolinat, tek shenjuesit e librave, procese nga realizimi i tyre si dhe orën e mësimit të artit në Qendrën Kulturore të Fëmijëve. Me rubrikën speciale do të udhëtojmë drejt Prevallës, rreth 20 kilometra larg Prizrenit, në zemër të Maleve të Sharrit. Gazetari Benet Beqiri do t’ju njohë me këtë destinacion të preferuar në sezonin e dimrit, që përzgjidhet nga shumë familje shqiptare për të kaluar një fundjavë në malet e zbardhura nga bora.