Pas 33 vitesh Namik Kocaqi ka lënë emigrimin, për tu rikthyer në Berat. Turizmi është fusha ku po kontribuon duke gërshetuar traditën tonë me eksperiencën si kuzhinier që e mësoi në Como të Italisë.

Në Rubik të Mirditës, mbi 80 nxënës mësojnë në shkollën e mesme profesionale, e cila është ndër më të vjetrat në vend, me 55 vite eksperience. Nxënësit që mësojnë në laboratorë modern thanë se kanë kërkesa për punë që në bankat e shkollës.

Arsimi profesional në Vlorë jo vetëm është kthyer në trend, por dhe shtyllë e rëndësishme e fuqisë punëtore. 60 për qind e nxënësve të shkollës industriale kanë gjetur punë që në bankat e shkollës.

Personazhi ynë i kësaj fundjave është mjeku veteriner Giosue Fiori, nga Breshia e  Italisë, i cili është rritur në Lezhë. 25-vjeçari ushtron me pasion profesionin e tij dhe është martuar me vajzë shqiptare. E ka ndërtuar jetën e tij këtu dhe u bën thirrje të rinjve që të mos braktisin Shqipërinë

Një ndër profesionistët e rrallë të punimit të hekurit është Hetem Xhelaj nga Fieri. Ai e ka trashëguar profesionin e Kovaçit nga babai, por vetë me keqardhje thotë se nuk ka mundur që t'ia mësojë fëmijëve të tij këtë zanat të rrallë.

Zona e Kukësit njihet për rritjen e deles rudë. Gojëdhënat tregojnë se blegtorët e fshatrave ishin mjeshtër në qethjen e deleve. Ata njihen për përpunimin e leshit të deles dhe prodhimin e veshjeve tradicionale. Përdorimi i leshit të deleve ka qenë lënda bazë në veshën e tyre. Të njëjtën traditë po përpiqet të ruajë edhe Lirie Kotarja. Ajo ka hapur një dyqan të vogël ku ka angazhuar edhe pjesëtarët e familjes

Report Tv sjell historinë e 44-vjeçarit Murat Kërraj nga Gjirokastra, i cili pavarësisht se është skulptor, që prej moshës 11-vjeçare ruan traditën e familjes së tij si drugdhendës. Ai na njeh me punën e tij dhe prezanton mes të tjerash punimin me dru të Kalit të qyqes, një shpend në rrezik zhdukjeje në vendin tonë.

Në vend të duarve zgjedhin teknologjinë moderne, por asnjëherë të tilla punime nuk marrin të njëjtën vlerë me drurin që e gdhend ngadalë e shumë durim.

Hate Ora është një ndër artizanet më të vjetra në Kukës që punon sixhade e qilimë me motive të ndryshme. Gjithnjë e më shumë është rritur interesi për punimet e dorës, kryesisht nga turistët e huaj që vizitojnë Kukësin këtë sezon. Hatja, në intervistë për Report TV, tregon se ka shumë porosi nga gjermanët e italianët

Lindur dhe rritur në Itali, Kristian Kondi është një i ri nga Berati që u kthye në shtëpinë e të parëve për ta shndërruar në restorant. Ka vendosur të jetojë në Shqipëri, ndërsa jep një mesazh interesant për të rinjtë që po largohen në emigrim.

Ka vite që të rinjtë nuk preferojnë më zanatet e hershme, por Report TV sjell historinë e një axhustatori në Kukës i cili ka një jetë që punon dhe e do atë si ditën e parë. Halit Hamzai është i kënaqur që mund t’ia trashëgojë të birit zanatin, por ndjen dhimbje që jo vetëm zanati i axhustatorit është në zhdukje.

Studimet i vazhdon për degën e matematikë-fizikës, por 21 vjeçarja nga Zadrima Emanuela Jaku, i është përkushtuar edhe pasionit si artizane. Prej 4 vitesh ajo ka mësuar endjen në tezgjah dhe fton bashkëmoshatarët që të ruajnë traditën. 

Lulzim Shabani është një ndër të rrallët këpucar që e vazhdon traditën në Sarandë. Zanatin e ka mësuar 45 vite më parë në Ndërmarrjen e Punimeve Artizanale të Delvinës, ku shkonte çdo ditë nga Saranda me linjën e urbanit.

Mirjeta Pasha është pedagoge matematike dhe studente doktorature për Matematikë të aplikuar në USA. Mirjeta bën kërkim shkencor midis të tjerash, edhe në përmirësimin e skanerave (mamografi, x-rays etj) për të përmirësuar cilësinë e imazhit.

Në një intervistë në emisionin “Rreze Dielli”, ajo tregoi më tepër për karrierën e shkëlqyer që po arrin në Boston.

Në Zadrimë të Lezhës, 39-vjeçari Lek Pemaj ia ka dalë të ngre pa asnjë mbështetje një fermë me 40 mijë shpendë, kryesisht mbarështon gjelat e detit, të cilët janë mjaft fitimprurës. Ai flet me pasion për punën e tij dhe thotë se është i kënaqur. 

Tradita qindravjeçare e punimit të vozave të drunjta në mënyrë artizanale nuk është zhdukur në Këlcyrë. Prej vitesh, Ikmet Mino e ushtron këtë zanat të trashëguar nga gjyshërit dhe apelon të rinjtë të kthejnë sytë nga punimet arizanale.

Qani Berati, është një ndër lustraxhinjtë e paktë që ka mbetur në Tiranë. Me këtë zanat që e ka trashëguar nga babai ai thotë se ka mbajtur familjen, ndërsa gjëja më e vyer për të është mirënjohja që ka marrë në 49 vite punë.

Është larguar nga Shqipëria në moshë të re dhe tashmë i kthyer për të investuar në një sipërmarrje të veçantë. Fermë për rritjen e kërmijve, tregun e të cilëve e ka siguruar në Itali. Daniel Xhavara ka marrë toka me qira në Selenicë të Vlorës dhe prej një viti i përkushtohet kësaj ferme. Ndjekim rrëfimin e tij, që për Report Tv e sjell gazetari Armand Xhelili.

Një ndër blegtorët më të njohur në Selenicë është 76-vjeçari Mitat Hadëraj, i cili ka ngritur një fermë me 60 krerë lopë prej të cilave nxjerr fitime të mira, që shkojnë deri në 400 mijë lek në muaj. Ai ka treguar për Report tv gjithë eksperiencën e mundimshme por të suksesshme.

Puna nuk i është mërzitur edhe pse prej 45 vitesh kryen të njëjtin ritual. Këpucari Flamur Çela na mirëpret në punishte, ku rrëfen plot pasion zanatin që e ushtron prej moshës 16-vjecare.

Fatkeqësisht, shpesh e më shpesh të rinjtë shqiptarë zgjedhin largimin nga vendi për të gjetur një të ardhme më të mirë në vendet e Bashkimit Evropianë, si Italia, Franca e Gjermania. Ka dhe nga ata që zgjedhin rrugën e vështirë drejt Britanisë së Madhe, duke rrezikuar edhe jetën. Fenomeni duket se nuk ndalet me kaq.

Në zonën e Dumresë po prodhohet vaj ulliri me sasi të lartë, por fermerët ankohet se tregtarët e shumicës e kërkojnë me ccmim të lirë, ndaj prodhimi u ka mbetur stok.

Në Divjakë po prodhohen frutat ekzotike, të cilat tashmë kanë hyrë në treg. Fermeri, Irakli Shkoza që nisi kultivimin si eksperiment, thotë se klima është mjaft e përshtatshme për rritjen e tyre dhe çmimi i leverdishëm

Doktori i Shkencave Bujqësore Pjerin Preka ka krijuar nënshartesën e parë të shegës “pjered one” në Itali. Në një intervistë për emisionin “Rreze Dielli” në Report Tv, ai ndau më tepër detaje për këtë sukses të tij në shtetin fqinj. Bima që është përdorur shprehet ai, shtë shqiptare madje nga Ndroqi i Tiranës.

Nënë Hidja, ka kaluar një jetë të vështirë, por vitet as hallet nuk e kanë mposhtur. Në moshën 80 vjeçare e gjejmë duke ruajtur lopët në livadhet e Novosejit.

 Ervini Bakeri është 18-vjeç dhe nuk ka kohë për të humbur. Që në mëngjes e takojmë teksa mban çantën e punës, rrugës për në një apartament ku do kryejë riparimet hidraulike.

Tetë fermerë shqiptarë promovuan produktet e tyre bio mes 1000 fermerëve nga 165 vende të botës, në sallonin e shijes “Slow Food” në Torino që kishte për qëllim rigjenerimin e marrëdhënies së njeriut me natyrës.

Deputetja Mesila Doda, duke folur në emër të grupit parlamentar që drejton tha se situata politike në vend është shumë e rëndë dhe gjithçka që vendi kërkon është t’i rikthehet normalitetit.

“Sot realiteti politik është i tillë: Ai që nuk duhet të ndodhte. Opozita është e përçarë, gjithsecili me hallet e veta. Kemi parë skenat me sharje dhe fyerje mes përfaqësuesve të opozitës. Qeveria nuk është normale, ajo që duhet të menaxhojë të mirat publike dhe jo të çojë buxhetin në duart e disa njerëzve. Shkurt e gjithë kjo situatë i ka kaluar rregullat bazë të bashkëjetesës në demokraci. Bashkimi i politikës me krimin, madje njësimi më të i ka dhënë fund gjuhës politike. Shqipëria çeli negociatat me BE-në ndërkohë që në këtë Kuvend nuk pati asnjë debat, asnjë seancë në lidhje me këtë. Opozita duhet të gjejë sinergjinë e saj të brendshme. Nga ana tjetër mazhoranca të zhdukë çdo gjuhë arrogance dhe armiqësore dhe gjuhën përçarëse. Koha duhet të ketë vetëm një kryefjalë, rikthimi i normalitetit në këtë vend. Të zhduken segmentet kriminale të bashkimit të politikës me krimin”, tha Mesila Doda.

Report TV sjellë rrëfimet e dy këpucarëve. Sefer Fusha është 82 vjeç por punën e do sikur të ishte fare i ri. Teksa të rinjtë ankohen se nuk gjejnë punë, 82 vjecari sot gjyshi i të gjithëve, tregon me trishtim se e vërteta është se brezi i ri nuk e duan punë, janë dembelë, duan të jetojnë në kurriz të prindërve dhe jo të mësojnë zanate fitimprurëse.

Interesi i të rinjve për të ndjekur arsimin profesional po vjen gjithnjë e në rritje në qytetin e Lezhës. Drejtori i shkollës profesionale “Kolin Gjoka” në Lezhë, Bardh Dedgjonaj tregon se ndër degët e preferuara nga nxënësit është ajo e “Hoteleri-Turizmit”.

Ky është inspektor Festim Bacllari, një prej efektivëve të Policisë së Patrullës së Përgjithshme në Komisariatin e Policisë së Fierit. Me një karrierë të gjatë 35-vjeçare tek blutë, Bacllari u ka shërbyer me përkushtim dhe integritet qytetarëve.

16-vjeçari krijon shkallë lëvizëse me Bluetooth

Hapet panairi i mjeteve elektro-teknike në Durrës

Që në gjenezën e tij, shteti shqiptar ka pasur problematika dhe shqetësime për cilësinë e arsimit në vend, të cilat me kalimin e viteve edhe pse ka pasur progres vijojnë të jenë në rritje. Orientimi profesional në bazë të trendeve dhe jo aftësive ka sjellë koston e mungesës së profesionistëve, punësimin larg fushës së studimeve, emigrimin e trurit dhe mungesën e profesionistëve. Ne ju njohim me mundësitë e studimit, problematikat dhe alternativat që ofron vendi ynë për çdo të ri që do i drejtohet tregut të punës.

Ministrja për Rininë dhe Fëmijët, Bora Muzhaqi ka shpjeguar në Report Tv se kodimi është një projekt pilot që fillimisht do të implementohet në 100 shkolla dhe më pas do bëhet një analizë e thelluar për ta shtrirë në nivel kombëtar. Për të rinjtë që kanë dëshirë të mësojnë kodimin, ministrja tha se po punohet me një program që synon ngritjen e  qendrave të kodimit, ku çdo i ri mund të bëjë kurs falas.

Ministrja Bora Muzhaqi ka komentuar në Report Tv edhe lajmet mbi disa lapsuese të saj.

“Për të qenë e sinqertë edhe gazetarët edhe ata që komentojnë në rrjetet sociale i kuptoj, ndonjëherë është për të qeshur, edhe mua më vjen për të qeshur kur i dëgjoj ato lapsuset që mund të kem bërë më përpara. Unë nuk kam pasur eksperiencë më përpara që më është dashur ta prezantoj veten time në aspektin mediatik, kjo është eksperiencë që fitohet me kohën dhe duke qenë s enuk e kam pasur, ndonjëherë përpiqem as fort kur më vijën ato gazetarët me mikrofonin përpara që të mos bëj gabime sa përfundoj duke bërë gabime. Siç themi dhe ne shqip sa të rrosh do mësosh, shpresoj që do ta marr atë eksperiencën. Nëse duhet t’iu them një fjali një gjë është e sigurt bëj lapsuse e gafe në televizione por në punë time nuk bëj as lapsuse as gafa”, tha Muzhaqi në ‘Studio Live’ me gazetarin Arbër Hitaj.