Zonja Albana solli katër receta të shpejta dhe plot shije në “Rreze Dielli”. Recetat e përzgjedhura për ditën e sotme ishin: Byrek me mish të grirë dhe qepë / Kunguj të skuqur krokant / Omletë me kunguj / Qumështor tradicional pa petë.

Në përditshmërinë tonë, shpesh fokusohemi te zgjedhja e ushqimeve “të shëndetshme”, por rrallë ndalemi të mendojmë se si i kombinojmë ato në pjatën tonë. A mjafton të hamë produkte cilësore, apo mënyra se si i bashkojmë ato luan një rol po aq të rëndësishëm për shëndetin tonë? Kjo është një pyetje që po merr gjithnjë e më shumë vëmendje, pasi kombinimi i ushqimeve mund të ndikojë drejtpërdrejt në tretje, metabolizëm, nivelin e energjisë dhe madje edhe në balancën e sheqerit në gjak. Shpesh ndodh që ushqime të konsideruara të shëndetshme më vete, kur konsumohen së bashku në mënyrë jo të duhur, mund të krijojnë shqetësime si fryrje, lodhje apo tretje të ngadaltë. Kjo ngre pikëpyetje të rëndësishme: çfarë ndodh realisht në trupin tonë kur bëjmë kombinime të gabuara? A janë këto vetëm këshilla popullore, apo kanë bazë shkencore? Dhe sa rëndësi ka koha e konsumimit, si për shembull ngrënia e frutave para apo pas vakteve? Për të kuptuar më mirë këtë temë kaq të rëndësishme për mirëqenien tonë, sot do të flasim me nutricionistin Altin Joka, ekspert i mjekësisë holistike. Ai do të na ndihmojë të zbulojmë parimet bazë të kombinimit të ushqimeve, duke ndarë edhe këshilla praktike, receta dhe ide konkrete – nga smoothie-t te supat dhe pjatat kryesore – si dhe përfitimet që trupi ynë merr nga kombinimet e duhura.