Deputetja Grida Duma nga foltorja e Kuvendit hodhi akuza ndaj grupit të Rithemelimit, se disa të vërteta duhet ti kishte thënë me kohë dhe jo sot, sepse i duhen. Kthimit në parlament me akuza për partinë e PD, nga radhët e deputetëve të Bashës, iu përgjigj Sali Berishës nënkryetarja demokrate Grida Duma. Duma po ashtu u ndal edhe tek procesi i integrimit në BE, ku tha se qeveria çdo vit ka hapur negociatat, mashtrim ky publik i bërë për çdo vit. 

‘Çohet këtu më i vjetri ndër nesh dhe jemi përpjekur ta nderojmë dhe thuhet gjithçka është e mundur për ta bërë ta pamundur opozitarizmin. Ai fliste, ju shkëlqenit sepse shikonit sesi ne mundim vetveten.Një pakicë e jona përpiqet të thotë disa të vërteta që duhet t’i kishte tëhë me kohë, ti thuash gjërat në kohën e duhur jo kur të duhen, por kur duhet. Pa opozitë të mirë edhe do të vazhdoni që të përçani. Keni mbetur fond i planeve tuaja. Të thuash të vërtetën është forcë. Çdo vit keni hapur shampanjën për të thënë u hapën negociatat. Nuk e mohoni dot mashtrimin tuaj publik. Në 103 mln euro pjesën më të madhe e zë plani kombëtar për integrim. Duhet t’ju heqim kapelen për reklamën që bëni. Keni vendosur Zef Mazin, megjithëse një figurë me integritet dhe profesionalitet,  ju i trajtoni i kapak pusete. Ku brenda është llumi dhe sipër vendosni një kapak. Kur e kam pyetur për grupin negociator pashë trishtimin që nuk e thoshte dot me fjalë. Qindra miliona euro nuk kanë asnjë impakt.’- tha Duma.