Tre javë pasi Këshilli i Lartë Gjyqësor nuk e pranoi nisjen e verifikimit për gjyqtaren e GJKKO Irena Gjoka, nëse është apo jo në kushtet e mos ushtrimit të detyrës për shkak të dyshimeve se nuk ka deklaruar një dënim në Greqi, dosja e magjistrates është marrë në dorë nga Inspektori i Lartë i Drejtësisë. ILD ka vendosur nisjen e hetimit disiplinor. Vetë Gjoka mohon se ka pasur dijeni për dënimin dhe thotë se nuk ka kryer asnjë shkelje.
