Ilir Meta nga Vlora: Është dita për të reflektuar dhe për tu bashkuar për Shqipërinë

28 Nëntor 2021, 12:13

Presidenti i Republikës, Ilir Meta ndodhet në Vlorë për ceremonitë e festimit të 109-vjetorit të Pavarësisë. Në një prononcim për mediat ai ka zgjedhur të japë një mesazh edhe për politikën.

 “Kjo është festa më e rëndësishme e kombit tonë, Dita e Flamurit, e Pavarësisë dhe të ditëlindjes së Adem Jasharit. Sot kemi vetëm mesazhe bashkimi kudo për të gjithë shqiptarët, pasi ky është flamuri i të gjithëve, është i Ismail Qemalit dhe i Isa Boletin, është një frymëzim për tu bashkuar dhe reflektuar dhe Shqipëria të jetë zonjë dhe të ketë vendin që meriton në Bashkimin Evropian”, ka thënë Meta.