Pas më shumë se 1 sezon në B. E Coffee, Bes Kallaku ka folur sot në emisionin “Rreze Dielli” në Report Tv mbi atë se çdo të ndodhë rreth karrierës së tij televizive. I pyetur nga moderatorja Suada Daci mbi planet e tij televizive, Kallaku ka thënë se ende nuk ka kthyer një përgjigje stafit drejtues të Klanifornia që pritet të fillojë së shpejti në Tv Klan, por se e sheh si regres në karrierën e tij pjesëmarrjen në këtë program.
"Duke qenë se jam i përkushtuar ndaj filmit, dua që aktualisht të më shkojë siç duhet kjo lloj pune. Pastaj ofertën e Klanit jam akoma duke e menduar, jam në bisedime.S’kam pasur oferta të tjera. Unë dua të nxjerr filmin si fillim dhe pastaj do shqyroj çdo lloj telefonate. Nese do qëndroj në televizion apo jo, apo do merrem me kinematografinë.", është shprehur Kallaku në studio
Ndërsa sa i përket pyetjes nëse ka marrë ndonjë ofertë nga televizone të tjera, aktori ka thënë me ironi se të gjithë flasin dhe mburren për oferta të shumta, por atij ende nuk I ka rënë telefoni për diçka të tillë.
"Jam investuar all in në film në çdo kursim timin, dua që të më shkojë sic duhet kjo iniciativë. Në Be coffee nuk isha lider, nuk më ka pëlqyer ta quaj veten lider, ajo ishte një trini por jo e shenjtë. Unë ika nga "Portokallia" për të bërë diçka timen, kur ikën nga aktor për të bërë të shkosh sërish aktor, kur ke synuar dicka tjetër, kjo më ka bërë ta mendoj pak këtë ofertë.",- ka vijuar më tej aktori
