Fushata elektorale për zgjedhjet e pjesshme vendore në 6 bashkitë vendit që do të mbahen më 6 mars do të nisë më 19 shkurt, vendim i cili miraton kështu propozimin e Komisionerit Shtetëror të Zgjedhjeve Ilirjan Celibashi.

Vendimin e ka marrë para pak minuta Komisioni Rregullator në KQZ, edhe pse fillimisht përfaqësuesi i Partisë Demokratike Indrit Sefa kërkoi një datë më të hershme.

"Data 7 do të ishte shumë e mirë për kandidatët që të kishin kohë", tha ai.

Por anëtarë e Komisionit Rregullator u shprehën se për shkak të afateve të vendosura kjo do të ishte e pamundur pasi kandidatët minimalisht nuk mund të regjistrohen nga KQZ para datës 12 shkurt.