Kompanitë pa kapital para se të merrnin koncesionet? Rama: Unë dua që puna të bëhet në terren, ky është keqinterpretimi juaj

23 Shkurt 2022, 14:53 | Përditesimi: 23 Shkurt 2022, 14:53

I pyetur nga kryetarja e Komisionit Hetimor Jorida Tabaku, nëse ishte në dijeni apo jo të faktit që kompanitë që morën koncesionet nuk kishin kapital fillestar Rama iu përgjigj se:

"Unë kam një formim të ndryshëm por për shkak të detyrës jam shumë i disiplinuar në mësimin e gjërave për të cilat flas. Nuk flas për gjëra që nuk i di. E kam dëgjuar hera herës këtë punën e këtyre kapitaleve. Së fundmi kam dëgjuar që edhe kompania që po negociojmë Portin e Durrësit nuk ka lekë. Kam mësuar se të gjitha këto janë interpretime që i bëjnë të qeshin njerëzit e kapitaleve. Nuk më kanë vënë në dijeni për atë mungesë kapitale dhe përderisa nuk më kanë vënë në dijeni do të thotë që është interpretim i gabuar i juaji. Kjo nuk është pjesa ime. Unë dua që puna të bëhet në terren, dua punën. Se si bëhet kjo është çështje e të tjerëve", tha Kryeministri.

r.k./Shqiptarja.com