Kruja si një pjesë e madhe e Shqipërisë është zgjuar mëngjesin e sotëm nën ethet e temperaturave të ulëta dhe dëborës.
Reshjet e dëborës filluan gjatë orëve të para të mëngjesit, duke bërë që petku i bardhë i saj të mbulojë çatitë e qytetit turistik të Krujës.
Deri në këto momente niveli i dëborës është pak centimetra, por temperaturat kanë rënë ndjeshëm dhe era e fortë fryn e vështirëson lëvizjen në këmbë nëpër qytet.
















