'Kushtetuesja' pranon kërkesën e Presidencës, shtyn të enjten në 10:00 vendimin për shkarkimin ose jo të Metës! Çfarë ndodhi në 9 orë seancë

1 Shkurt 2022, 21:05 | Përditesimi: 1 Shkurt 2022, 21:05

Të enjten në orën 10:00 do të rinisë seanca në Gjykatën Kushtetuese ku do të vendoset për shkarkimin ose jo të Presidentit Ilir Meta. Pas një seance maratonë, që nisi sot që nga ora 10:00, e zgjati deri në 19:00, kryetarja e Gjykatës Kushtetuese, Vitore Tusha vendosi shtyrjen e saj për ditën e enjte, pas kërkesës së bërë nga juristi i Presidencës, Bledar Dervishaj. Ky i fundit, kërkoi që përgjigjet e mbi 70 pyetjeve që Gjykata i bëri Kuvendit, të njihet edhe presidenti Ilir Meta. Kërkesa e tij u pranua nga Gjykata.

    AV/Shqiptarja.com