Kuvendi i rrëzoi kërkesën për interpelancë me Ramën, Agalliu: Zhvillimet politike dhe ekonomike nuk kanë kalendar

17 Mars 2022, 10:37 | Përditesimi: 17 Mars 2022, 10:37

Deputeti i PD, Arbri Agalliu pasi Kuvendi i refuzoi kërkesën për interpelancë me Ramën për shkak të mos respektimit të kohës për dorëzimin e saj, tha se zhvillimet ekonomike dhe politike nuk kanë kalendar. Duke folur jashtë derës së parlamentit për gazetarët ai tha se kryeministri është i detyruar të vijë.

“Do i kërkoja të ndryshonin rendin e ditës dhe të vendosni në një pikë interpelancën me kryeministrin. Zhvillimet ekonomike dhe politike, nuk kanë kalendar. Kryeministri është i detyruar të vijë, ose t’ia delegoi detyrën një përfaqësuesit për masat që ka marrë qeveria. Jo vetëm që janë të vonuara por nuk ndihmojnë konsumatorin shqiptar.”, tha ai.

r.k./Shqiptarja.com