Maliq Koshena, fundi tragjik i një trimi dukatas

26 Mars, 08:43

Maliq Koshena, në vitin 1943, ishte komandanti i cetës së Ballit në Dukat të Vlorës. 48 vjeçar, burrë me influencë në zonë, ai do ta printe çetën e Ballit në Dukat deri në fund të luftës. Si shumë burra të tjerë të Dukatit edhe ai ishte betuar që ta mbante fshatin larg zjarrit të Luftës. Komunistëve ju kishin kërkuar që të mos futeshin në fshat të armatosur dhe vetë ata nuk do të shtinin asnjë armë kundër tyre. Kësisoj as gjermanët nuk do ta digjnin fshatin. Por nata e 30 nëntorit 1943, do të përmbyste gjithçka. Komunistët kishin sulmuar Dukatin duke u gdhirë 1 dhjetor 1943 dhe pas kundërpërgjigjes nga burrat e fshatit, luftimet do të vijonin për afro 24 orë e do të linin pas shumë viktima. Prej asaj ngjarje, që sot njihet si Lufta e Dukatit, do të shenjohej edhe fati i Maliq Koshenës, i cili do të arrestohej prej komunistëtve që në ditët e para të regjimit, do të dënohej e me burg, e më pas do të ridënohej me pushkatim me akuzën se kishte tentuar shpërthimin e burgut të Vlorës dhe arratisjen. Pasi u deklarua i ekzekutuar në prill 1950, familja do të mësonte shuëm vite më pas se ai dhe të akuzuarit e tjerë nuk ishin pushkatuar por ishin mbajtur edhe për disa vite të izoluar e më tej i kishin zhdukur në mëyrë të mistershme.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha