Prej gati një viti tashmë në kërkim ndërkombëtar, ish zv. kryeministri Arben Ahmetaj jeton në qytetin e Luganos në Zvicër, ndërsa qëndrimi i tij ka trazuar edhe politikën lokale. Këshilltarë lokalë kanë thirrur një interpelancë për t’i kërkuar llogari bashkisë nëse ka respektuar procedurat kur i ka dhënë Ahmetajt një prej banesave më luksoze të qytetit, me një qira super të shtrenjtë, ndërsa mediat dyshojnë se Ahmetaj nuk është regjistruar fare si banor ndërsa ligji e detyron.