Me pretendimet e Autoritetit të Dosjeve se ish-presidenti Ilir Meta është bashkëpunëtor i Ish-sigurimit të Shtetit, socialistët dhe demokratët ndërmarrin 2 nisma të ndryshme ligjore, me të përbashkët, hapjen e dosjeve. Mazhoranca kërkon të verifikohen politikanët e zyrtarët me certifikatë të vjetër të pastërtisë së figurës, ndërsa Partia Demokratike kërkon që dokumentet e ish-sigurimit të deklasifikohen dhe të aksesohen nga të gjithë qytetarët, e jo vetëm të prekurit.