Kryetari i Partisë së Lirisë Ilir Meta iu drejtua sot grave duke prekur problematikat e tyre që vijnë sipas Metës prej qeverisë së Ramës. Në një takim me gratë në strukturat e Tiranës të kësaj partie, Meta u ndal te emigrimi i të rinjve, të cikët largohen nga vendi pasi në Shqipëri me paga të ulëta dhe çmime të larta e kanë të vështirë të bëjnë një jetesë normale. Ai tha se Shqipëria nuk mund të arrijë nivelin e Europës në jetesë e përkrahje të qytetarëve nga qeveria, por mundet, së paku, t’i afrohet Kosovës e vendeve të tjera të rajonit që sipas Metës janë mirë në këtë aspekt.
