Mjeku nga Presheva: Këtu janë të disponueshme 4 vaksina! 70 % e të vaksinuarve kanë bërë atë kineze

4 Mars, 22:11 | Përditesimi i fundit: 2021-03-04 22:12:59

Doktor Driton Salihu, drejtor i shtëpisë së shëndetit në Preshevë, në një lidhje skype për emisionin "Repoltix"  tha se aty janë të disponueshme të 4 vaksinat, ajo kineze, ruse Sputnik-V, Pfizer dhe AstraZeneca. Ai tha se qytetarët në Preshevë preferojnë më shumë vaksinën Pfizer, por që 70 % e të vaksinuarave në fakt kanë bërë atë kineze. Në lidhej me vaksinën ruse mjeku Salihu tha se në Preshevë ka 0 doza të bëra pasi nuk e preferojnë qytetarët, më së shumti e preferojnë serbët tha ai. Në lidhje me garancinë e vaksinës ruse dhe kinezë që nuk është ende certifikuara nga EMA dhe FDA, mjeku Salihu tha se qytetarët kanë marrë garanci me shkrim nga ministria e shëndetësisë serbe.

"Për fat të mirë kemi mundësi të zgjedhim të 4 llojet e vaksinave, Pfizer, AstraZenca, Sputnik-V dhe ajo kineze.  Sot popullata mund të zgjedh mes 4 vaksinave, shumica preferojnë Pfizer.  70 % e të vaksinuarve deri tani në Preshevë janë me atë kineze. E dyta vjen nga Pfizer sipas vaksinimit.
Edhe pse është e disponueshme vaksina ruse kemi 0 pasi asnjë qytetar nuk ka preferuar ta përdor. Për kinezen kanë pas dyshime por pastaj kemi një vaksinim të madh me të ku 70 % e qytetarëve e kanë bërë atë. Në Bujanovc është % më e madhe për vaksina ruse, ajo merret nga vetë serbët. Ne kemi marrë vërtetime që këto vaksina janë testuar dhe kemi marrë garanci me shkrim nga ministria e shëndetësisë këtu që këto vaksina mund të përdoren. Vaksina kineze nuk jep efekte anësore është e çuditshme, ndërsa Pfizer ka disa efekte anësore", tha mjeku Salihu nga Presheva.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha