Dom Zef oroshi, ishte meshtar 33 vjeçar, në ditët e para të regjimit komunist. Ai shpresonte se atdheu i tij do ta ndalte atë ngarendje drejt Moskës e do ti priste të gjithë fijet e ideologjisë që po dëpërtonte në çdo sferë të vendit të tij, duke rrezikuar themelet e shëndosha të besimit fetar, atdhedashurisë e civilizimit perëndimor. Por shpresat e tij do të shuheshin nji nga nji, ndërsa vitet kalonin e regjimi komunist po forconte pushtetin me dhunë e represion. Pasi i thellon bindjet e tij antikomuniste, ai arratiset në mal një ditë janari të 1951 për ti shpëtuar arrestimit dhe nis angazhimin në kryengritjet antikomuniste. Për muaj më rradh qëndron ën arrati në mal, madje edhe plagoset derisa arrin të kapërcejë kufirin e të dalë fillimisht në Mitrovicë e mandej në Itali. Familja e tij e mbetur në atdhe përjeton ferrin e vërtetë. Vëllai Ndue, arrestohet, torturohet e vdes nën tortura në birucat e hetuesisë Shkodër, ndërsa familjarët e tjerë përjetojnë një kalvar të gjatë internimesh e persekutimi. Megjithëkëtë, Dom Zef Oroshi nuk e ndal aktivitetin e tij antikomunist edhe në emigrim e paralelisht me të Sigurimi i shtetit me agjentët e tij, e ndjek këmba-këmbës për vite me rradhë deri ditën që ai mbyll sytë më 1989 në New York...