Reshje të dendura shiu kanë përfshirë të gjithë vendin, duke shkaktuar edhe problematika në disa zona. Rrëshqitja e dherave ka bllokuar aksin Përmet-Çorovodë-Korçë. Probleme ka edhe në Selenicë, ku në fshatin Balldre 300 banorë janë izoluar për shkak se është dëmtuar ura, rruga e vetme që i lidh ata me Selenicën. Reshjet e dendura të shiut gjatë natës dhe ditës së sotme kanë bërë që lumi i Shushicës në Vlorë të fryhet ndërsa një banesë është përmbytur në Këlcyrë.
