Moti i keq/ Del nga shtrati lumi Ishëm, qindra ha tokë nën ujë në Murqinë të Krujës

27 Nëntor 2025, 10:53 | Përditesimi: 27 Nëntor 2025, 10:53

Qindra hektarë tokë bujqësore në fshatin Murqinë, Krujë ndodhet nën ujë pas daljes nga shtrati të lumit Ishëm, si pasojë e reshjeve të dendura të shiut.

Ndërkohë edhe një prej lagjeve të këtij fshati ka mbetur e izoluar pasi niveli i ujit në rrugë ka shkuar 40 cm.

Në vitet e kaluara kur vendi është përballur me situata të tilla, banorët e kësaj lagjeje janë evakuuar me gomone, teksa në raste të veçanta është dashur edhe ndërhyrja me helikopter.

I.M/Shqiptarja.com