'Omicron' bind edhe skeptikët për t’u vaksinuar! Fluks të moshuarish për dozën e tretë në pikat e vaksinimit anti COVID

3 Janar 2022, 14:54 | Përditesimi: 3 Janar 2022, 14:54

Ndonëse aktivitetet pothuaj janë pezulluar për shkak të festës së ndërrimit të viteve, kjo nuk i ka penguar qytetarët të paraqiten pranë pikave të vaksinimit për të marrë vaksinën anticovid. Lindita është një prej skeptikeve të para të vaksinimit, por shtimi i infektimeve ka bërë që më në fund të marrë dozën e parë. Pyetjes nëse e bëri vaksinën për shkak të vendimit për vaksinim të detyrueshëm, ajo përgjigjet se:

“S’e dija fare, absolutisht nuk e dija për Zotin. Unë e bëra sepse duhej ta bëja, e ndjeja se duhet ta bëja. E kisha me shumë frikë sepse unë punoj këtu tek Arena, e kisha shumë frikë për ta bërë ,por sot e vendosa dhe e bëra. Unë bëra Pfizer, isha e vetmja nga familja që nuk e kisha bërë,sepse burri dhe goca e kishin bërë,vetëm unë nuk e kisha bërë", tha ajo.

r.k./Shqiptarja.com