Përdorte lokalin për të shitur drogë, arrestohet 54-vjeçari në Gramsh! Në pranga edhe klientët

3 Dhjetor 2021, 11:20 | Përditesimi: 3 Dhjetor 2021, 11:20

Policia e Elbasanit ka arrestuar pronarin e një lokali shtetasin E.H, 54-vjeç, në qytetin e Gramshit pasi e kishte përshtatur për përdorim droge.

Në pranga u vunë edhe shtetasit: P. F., 51 vjeç, Xh. S., 30 vjeç. Gjatë kontrollit fizik të ushtruar ndaj shtetasit P. F., në ambientet e lokalit policia i gjeti një sasi lënde narkotike kokainë, ndërsa nga kontrolli në banesë iu gjetën një sasi farash kanabisi dhe një sasi lënde narkotike kanabis e ndarë në doza. Po ashtu edhe shtetasit Xh. S., gjatë kontrollit fizik, iu gjet një sasi e vogël lënde narkotike kanabis e ndarë në doza.

r.k./Shqiptarja.com