Petullat e gjyshes me pak përbërës që nuk thithin asnjë pikë vaj
500 - 600 gr miell
10 gr maja
1 lç kripë
1 lç sheqer
400 ml ujë të vakët
Vaj për skuqje
Në një enë me ujë të vakët vendosim majanë e bukës dhe sheqerin dhe e lemë të aktivizohet. Pas pak minutave shtojmë miellin gradualisht dhe kripën. E punojmë mirë derisa të formohet një brumë i butë. E mbulojmë brumin me një membranë kuzhine dhe e lemë të pushojë për 30 minuta. Më pas spërkasim tryezën e punës me pak miell dhe e punojmë përsëri brumin e petullave. E ndajmë në kuleçë, secilin kulaç e lyejmë me pak vaj dhe i lemë për 10 minuta që brumi të lëshohet. Ndërkohë nxehim vajin në një tigan të madh, i bëjmë një vrimë në mes petullave dhe i skuqim.