Sodanik

Përbërësit:

• 3 vezë
• 300 gr miell misri Ola
• 2 lugë gjelle miell gruri
• 1 filxhan çaji sheqer
• 1 fixhan çaji kos
• 1 lugë çaji sodë buke
• 100 gr gjalpë i shkrirë

Përgatitja:

Në një tas hedhim vezët dhe sheqerin. I rrahim me tel derisa të shkrihet sheqeri. Shtojmë kosin, gjalpin e shkrirë, sodën dhe vazhdojmë i përziejmë. Hedhim pak nga pak duke përzier miellin e grurit, dhe më pas atë të misrit derisa të bëhet një masë uniforme jo shumë e trashë (si për kek). Lyejmë tavën me gjalpë dhe derdhim masën në të. E pjekim në furrën e nxehur në 180 gradë për 20 minuta.

Petulla të fshira

Përbërësit:

• 500 g miell Ola
• 1200 ml ujë i vakët
• 1 lugë e vogël me kripë
• 200 g djathë i bardhë ose gjizë
• 100 g gjalpë
• 2-3 thelpinj hudhra
• 1 gotë ujë

Përgatitja:

Formojmë brumin e petullave me miell, kripë dhe ujë. I pjekim në tigan krepash derisa të përfundojë i gjithë brumi. Skuqim gjalpin me hudhrat, shtojmë ujin edhe e ziejmë 2’ minuta. Shtrojmë petullat në tavë të lyer me gjalpë duke i lyer me lëngun e hudhrave edhe duke shtuar thërrime djathi. I presim si rombe dhe e vendosim tavën në furrë për 5 minuta sa të kërcanisen.

Qofte shtëpie

Përbërësit:

• 500 g mish i grirë
• 1 qepë
• 1 patate
• 1 tufë erëza të freskëta ( majdanoz dhe nenexhik)
• 1 vezë
• 100 g bukë
• Kripë dhe piper i zi

Përgatitja:

Në tas përziejmë mishin e grirë me vezën, si dhe erëzat, bukën, qepën, dhe pataten e grirë, shtojmë kripë dhe piper. E punojmë brumin sa të lidhet edhe i skuqim qoftet në vaj të nxehtë derisa të marrin ngjyrë nga të gjitha anët.

Koncetrat perimesh i bëre vetë

Përbërësit:

• 1200 g perime
• 1 qepë
• 2 karrota
• 2 kunguj
• 1 finok
• 2 degë selino
• 2 gjethe dafinë
• 5-6 domate të thata
• 300 g kripë

Përgatitja:

Grijmë perimet në mikser, shtojmë kripën i përziejmë shumë mirë edhe i vendosim në tavë me letër furre të thahen në furrë të parangrohur më parë për 4 orë me 100 ° derisa të thahen plotësisht. Pasi ftohen i bluajmë përsëri derisa të bëhen pluhur edhe e vendosim në kavanoz qelqi. E përdorim sipas dëshirës për të pregatitur buljon, supa ose për t'i shtuar shije gjellës.

Kabuni tradicionale

Përbërësit:

• 1 gotë oriz
• 2 gota lëng mishi (qafa e dashit)
• 3 lugë gjelle rrush i thatë
• 1 filxhan çaji sheqer
• 1 lugë çaji kanellë
• 2 lugë gjalpë

Përgatitja:

Kaurdisim orizin me gjalpë pasi e kemi larë edhe kulluar, shtojmë ujin e nxehtë ose lëngun e mishit edhe rrushin e thatë. Sapo orizi të thithi të gjithë lëngun, e heqim nga nxehtësia edhe i shtojmë sheqerin dhe kanellën. E lëmë të pushojë 10 minuta pastaj e shërbejmë me kanellë dhe sheqer sipër. Nëse kabuninë e duam me ngjyrë të errët te gjalpi dhe orizi skuqim edhe sheqer sa te karamelizohet, pastaj shtojmë lëngun e mishit ose ujin. Nëse kabuninë do e bëni me lëng mishi atëherë duhet të shtoni edhe copa mishi.

Trahana me bukë misri

Përbërësit:

• 4 lugë trahana
• 2 gota me ujë
• 2 lugë gjalpë
• 2 lugë vaj ulliri
• 50 g djathë
• 1/2 bukë misri
• Kripë

Përgatitja:

Në tenxhere kaurdisim trahananë me gjalpin, shtojmë ujë dhe kripë edhe e ziejmë plotësisht. Shtojmë bukën e thërmuar, një pjesë të djathit edhe e vendosim në pjatë. Sipër i shtojmë vaj ulliri dhe thërrime djathi.

Speca pufka me gjizë dhe vezë

Përbërësit:

• 4 speca
• 500 g gjizë
• 4 vezë
• Majdanoz
• Kripë dhe piper
• Vaj ulliri

Përgatitja:

Specat i pastrojmë nga bishti edhe i mbushim me gjizë jo deri lart, i vendosim të piqen në furrë për 10 minuta pastaj shtojmë vezën edhe i pjekim edhe 10 minuta sa te bëhet veza. I shërbejmë me majdanoz dhe vaj ulliri.

Kungullor i Tropojës

Përbërësit:

• 300 g miell
• 150 ml ujë
• Kripë
• Niseshte për të hapur petët
•  
• Mbushja:
• 500 g kungull dimri
• 1 gotë qumësht
• Kripë dhe piper
• 50 g gjalpë

Përgatitja:

Kungullin e grijmë me rende edhe e skuqim me gjalpin, pastaj shtojmë qumështin, kripë dhe piper. E lëmë të ftohet edhe pastaj bëjmë mbushjen e petëve që i palosin edhe i bëjmë si shirit e i rrotullojmë në tavë. E vendosim tavën në furrë të parangrohur derisa kungullori të marrë një ngjyrë të bukur.

Petullat e tezes

Përbërësit:

• 2 vezë
• 1 gotë ujë
• 1 gotë miell Ola
• Pak sodë buke
• Kripë
• Vaj për skuqje
• Djathë, nenexhik

Përgatitja:

Në tas rrahim vezët me ujin, shtojmë kripën, miellin edhe sodën. E punojmë brumin disa minuta dhe më pas i skuqim në vaj të nxehtë duke i hedhur lugë lugë. Sipas dëshirës brenda në brumë mund të shtojmë pak djathë dhe nenexhik.

Antipastë me krem djathi Arla dhe krakers

Përbërësit:

• 1 kuti krem djathi me erëza Arla
• 1 pako me krakers
• Dekor: gjethe majdanozi dhe bisht speci

Përgatitja:

Në plastmas kuzhine vendosim kremin e djathit edhe i japim formë si top. E vendosim në pjatën që do e shërbejmë dhe i vendosim krakersat anash, për dekor vendosim një bisht speci dhe gjethe majdanozi të duket si kungull.

Pilaf me lulelakër

Përbërësit:

• 1 gotë oriz
• 1 gotë lulelakër e grirë
• 50 g gjalpë
• 1,5 gotë ujë i nxehtë ose lëng perimesh
• Kripë dhe piper i zi
• 1 lugë salcë Tigullio sipas dëshirës

Përgatitja:

Në tenxhere shkrijmë gjalpin me dy lugë vaj ulliri, kaurdisim orizin dhe lulekarën, shtojmë ujin edhe kremin Tigullio me shijen e preferuar. E lëmë të ziejë derisa të thithi të gjithë lëngun dhe e shërbejmë të ngrohtë.

Jufka me pulë

Përbërësit:

• 1 pulë e freskët
• 500 g jufka
• 50 g gjalpë
• Kripë dhe piper i zi
• Lisna (erzë e zonës së Dibrës)
• Qepë sipas dëshirës

Përgatitja:

Ziejmë pulën e copëtuar me kripë dhe piper në 2 litra ujë. Jufkat i vendosim në tavë dhe i pjekim në furrë derisa të marrin pak ngjyrë. Shtojmë lëngun e pulës gati 1,5 litër dhe copat e mishit mbi jufka, shtojmë gjithashtu copa gjalpi edhe e pjekim në furrë të parangrohur me 200 ° për 30 minuta sa të piqen copat e pulës. Sipas dëshirës shtojmë një qepë të skuqur te lëngu i mishit si dhe lisna.

Pulë frikase

Përbërësit:

• 500 g mish pule
• 50 g gjalpë
• 50 g miell Ola
• 1/2 limon
• 1 vezë e verdha
• Kripë, piper
• Kopër dhe majdanoz

Përgatitja:

Ziejmë copat e mishit në ujë me kripë dhe piper. Në tenxhere skuqim me gjalpë miellin e grurit derisa të zverdhet, e shuajmë me qumësht si dhe shtojmë lëngun dhe mishin e pulës. Më pas shtrydhim limonin dhe e rrahim me të verdhën e vezës, e shtojmë te lëngu me kujdes mos na pritet. Në fund shtojmë sipas dëshirës kopër dhe majdanoz në pjatë.

Puding me kos dhe fara chia

Përbërësit:

• 300 g kos i trashë
• 2 lugë gjelle fara chia
• 2 lugë gjelle reçel kumbulle

Përgatitja:

Tek kosi shtojmë farat chia, i lëmë pak të zbuten dhe më pas shtojmë reçelin e kumbullës.

Pasta Flora me reçel kumbulle

Përbërësit:

• 1 e verdhë veze
• 1 filxhan kafeje me gjalpë të tretur
• 1 filxhan kafeje me sheqer
• 1 gotë uji miell Ola
• 2 lugë ujë ose qumësht
• Fryrës
• Reçel kumbulle

Përgatitja:

Rrahim vezën me sheqerin, gjalpin edhe ujin. Përziejmë miellin me fryrësin ose sodën edhe e bashkojmë me pjesën e lëngshme derisa të përftohet brumë që nuk ngjit. E shtroni në tavë, e shponi me pirun edhe shtroni reçelin, e piqni në furrë të parangrohur me 180 ° për 20 minuta.

Paçe koke

Përbërësit:

• Lëng koke 1 litër (kokë 1 kg)
• 3-4 lugë gjelle dhjamë
• 1 lugë kafeje salcë
• Spec i kuq (djegës sipas dëshirës)
• 4-5 thelpinj hudhër
• 3-4 lugë gjelle uthull

Për lëngun e kokës

• 1 qepë
• 2 karrota
• 2 gjethe selino
• Kripë, piper i zi
• Gjethe dafine

Përgatitja:

Kokët pastrohen, copëtohen, vihen në ujë të ftohtë që të lahen e t’u ikë gjaku; më pas vendosen në tenxhere, mbulohen me ujë të ftohtë dhe vihen në zjarr. Kur të kenë marrë valë, hiqet shkuma dhe lihen të ziejnë në zjarr të ngadaltë, duke shtuar qepët, karrotat, selinonë, kripën, pıperin, dafinën dhe majdanozin. Lihen derisa të jenë zier mirë dhe mishi të ndahet lehtë nga kocka. Kullohen, pastrohet mishi nga kocka dhe pritet në copa kubike të vogla. Në tenxhere hidhet yndyrë, pak salcë dhe lëngu i marrë nga zierja e kokës. Kur lëngu të ketë marrë valë, shtohet mishi i zier, pak spec i kuq dhe gjella lihet të ziejë në zjarr të ngadaltë edhe për disa minuta, duke i hedhur kripë e piper të zi. Në fund paçes i hidhen hudhra të shtypura me uthull.   

Sallatë me karrota

Përbërësit:

• 300 g karrota
• 1 thelpi hudhër
• 1 tufë majdanoz
• Kripë dhe piper i zi
• 4 lugë uthull molle
• 2 lugë vaj ulliri

Përgatitja:

Karrotat i grijmë me rende dhe i vendosim në tas duke i shtuar marinimin me majdanoz, hudhër të shtypur, kripë, piper, uthull molle dhe vaj ulliri.

Qofte me miell misri e presh

Përbërësit:

• 1 filxhan çaji miell misri
• 500 gr presh
• 2 filxhanë kafeje vaj
• 1 filxhan kafeje gjizë ose djath i thërrmuar
• 1 kokërr vezë
• Kripë, piper, majdanoz
• 2 lugë gjelle miell gruri

Përgatitja:

Preshët e pastruar e të larë grihen hollë, kaurdisen me yndyrë në enë të mbuluar me kapak në mënyrë që të zbuten, pastaj i heqim nga zjarri dhe i shtojmë gjizë ose djathë të thërmuar, kripë, piper, vezë dhe majdanoz të grirë hollë. Në një tenxhere tjetër me ujê të vluar e kripë hedhim miellin e misrit në raportin: 1 miell - 2 ujë, e përziejmë shpejt që të mos krijohen kokrriza, e ziejmë sa të bëhet një brumë i ngjeshur. Pastaj e heqim nga zjarri, e përziejmë me preshin e pergatitur. I ndajmë në copa, i japim formën e rrumbullakët

Reçel me kumbulla

Përbërësit:

• 1 kg e 200 g kumbulla të pastruara nga farat
• 400 g sheqer
• 1/2 limon lëngu
• Gjethe barbarozë

Përgatitja:

Pastrojmë kumbullat nga farat edhe i presim në copa të vogla, shtojmë sheqerin edhe i lëmë derisa të lëngëzohen. I vendosim të ziejnë në temperaturë mesatare derisa të zbuten, shtojmë lëngun e limonit dhe gjethet e barbarozës. E vendosim të nxehtë në kavanoza sterile, i mbyllim kapakun edhe i kthejmë përmbys derisa të ftohen plotësisht.

Makarona me spinaq dhe gjizë në furrë

Përbërësit:

• 320 g pasta Ola
• 500 g spinaq
• 1 presh
• 300 g gjizë
• 100 g djathë parmigiano
• Kripë dhe piper

Përgatitja:

Ziejmë pastat Ola sipas udhëzimeve në paketim. Në tigan kaurdisim preshin me vaj ulliri sa të zbutet edhe më pas shtojmë spinaqin. Sapo spinaqi të ulë volumin e bluajmë të gjithën si krem, shtojmë pastat i përziejmë edhe i vendosim në tavë me gjizën dhe djathin parmigiano. E vendosim në furrë për 20 minuta sa të kërcaniset pjesa lart.

Pite të mbushura me djathë dhe kremviçe

Përbërësit:

• 500 g miell
• 300 ml kos
• 1 vezë
• 1 lugëz me sodë
• 1 lugë vaj ulliri
• Pak kripë
• Për mbushjen: djathë gouda dhe kremviçe

Përgatitja:

Formojmë brumin dhe e lëmë të pushojë disa minuta. E ndajmë në 8 kuleçë edhe i hapim me pec me trashësi 3 mm, i mbushim me kremviçe dhe djathë. I palosim në mes duke mbyllur mirë anët. I skuqim në vaj të nxehtë derisa të marrin ngjyrë nga të dy anët.

Vezë me domate në tigan

Përbërësit:

• 2 domate
• 1 thelpi hudhër
• 4 vezë
• Thërrime djathi
• Majdanoz
• Vaj ulliri
• Kripë dhe piper

Përgatitja:

Në tigan shtojmë hudhrën në vaj ulliri dhe sapo të lëshojë aromën shtojmë domatet e grira, rregullojmë shijen me kripë dhe piper. Vendosim vezët edhe e mbulojmë me kapak derisa të ziejnë sipas shijes personale. Në fund i shtojmë djathë të thërmuar dhe majdanoz.

Speca pufka me presion

Përbërësit:

• 1 kg speca të kuq
• 1 lugë çaji me kripë
• 1 filxhan kafe me vaj ulliri
• 2 filxhan kafe me uthull molle
• 3-4 thepinj hudhër
• 2-3 gjethe dafinë
• 1 lugë çaji me piper kokërr

Përgatitja:

Në tenxheren e presionit vendosim specat e pastruar nga farat, shtojmë hudhrat, piperin, dafinën, kripën,vajin dhe uthullën. E vendosim të ziejë derisa të fillojë fishkëllima e presionit. E largojmë nga nxehtésia edhe i lëmë të ftohen plotësisht, pastaj i vendosim në vazo qelqi dhe i konsumojmë gjatë javës.

Supë me pashaqofte

Përbërësit:

• 250 g mish i grirë
• 1 qepë e grirë me rende
• 3-4 lugë gjelle me oriz
• 2 vezë
• 1 lugë dhjozëm/mendër
• 1/2 limon
• Kopër
• Kripë dhe piper i zi

Përgatitja:

Në tas formojmë brumin e qofteve duke përzier mishin, orizin e zier pak, qepën, kripë, piper, të bardhat e vezëve dhe dhjozmën. Në tenxhere vendosim 1 litër ujë të ziejë dhe shtojmë qoftet pasi i kemi dhënë formë. Sapo të ziejnë plotësisht, lëngun e presim me të verdhat e vezëve me limon. Në pjatë shtojmë sipas dëshirës piper të zi dhe kopër të freskët.

Misra të pjekur me erëza

Përbërësit:

• 4 misra
• 2 lugë vaj ulliri
• 2 lugë gjalpë
• Kripë piper
• Spec i kuq pluhur
• Spec i kuq pikant
• Pluhur hudhre

Përgatitja:

Misrat i ziejmë derisa të zbuten, e presim çdo kalli misri për së gjati në katër pjesë. I vendosim në tavë të veshur me letër pjekje. I lyejmë me gjalpë, vaj dhe erëza dhe i pjekim në furrë të parangrohur me 200° për 20-30 minuta sa të marrin ngjyrë.

Bukë misri me presh dhe shëllirë

Përbërësit:

• 400 g miell misri
• 1 presh
• 200 ml ujë i nxehtë
• 100 ml shëllirë
• 1 gotë qumësht

Përgatitja:

Në tigan kaurdisim preshin e grirë sa të zbutet me pak qumësht dhe vaj ulliri. Në tas përziejmë preshin me miellin, shëllirën dhe ujin e nxehtë sa të bëhet brumë. E vendosim në tavë të lyer me vaj dhe miell misri. E pjekim në furrë të parangrohur me 200° sa të marri ngjyrë të kuqerremtë. E shoqërojmë me djathë ose speca me gjizë turshi.

Petulla me qumësht

Përbërësit:

• 600 g miell gruri
• 250 ml qumësht
• 80 g gjalpë
• 1 pako me sheqer vanilje
• 1 lugë e vogël me kripë
• 2 vezë
• 1 pako maja ose 7 g

Përgatitja:

Në tas tretim majanë me sheqerin edhe pak qumësht, sapo të aktivizohet shtojmë miellin, qumështin e mbetur, gjalpin e zbutur, vezët dhe kripën. Formojmë një brumë të butë që nuk ngjit. E lëmë në tas të dyfishojë vëllimin edhe më pas e hapim mbi tavolinë me trashësi 2 cm, e presim me forma edhe i skuqim në vaj të nxehtë. Më pas i kalojmë në sheqer me kanellë.

Kunguj me kos

Përbërësit:

• 3 kunguj
• 1 thelpi hudhër
• 300 g kos
• 100 g djathë i bardhë
• Kripë dhe piper
• Vaj ulliri

Përgatitja:

Kungujt pasi i pjekim në furrë, i vendosim në pjatë ku kemi krijuar një shtresë me kos të trashë dhe copa djathi, shtojmë hudhër të grimcuar, vaj ulliri, kripë, piper si dhe ca gjethe mente ose kopër sipas dëshirës.

Speca të mbushur me bullgur

Përbërësit:

• 5 speca
• 4 domate
• 1 qepë
• 1 tas bullgur
• 2 tasa ujë të nxehtë
• Kripë, piper, nenexhik

Përgatitja:

Kaurdisni qepën disa minuta, shtoni bullgurin dhe vazhdoni kaurdisjen, më pas shtoni kripën dhe erëzat. Domatet me një lugë i hiqni të gjithë tulin e brenshëm dhe e shtoni te bullguri. E zieni disa çaste dhe pastaj mbushni specat edhe domatet. I rreshtoni në tavë, mbushni anët me bullgurin e mbetur dhe ujin e nxehtë. Vendosini në furrë të parangrohur në 180 gradë për 40 minuta derisa të marrin ngjyrë të bukur.

Fërgesë me speca

Përbërësit:

• 1 kg speca
• 400 g domate
• 300 g gjizë
• 2 thelpinj hudhër
• Kripë, piper
• Vaj ulliri

Përgatitja:

Kaurdisni specat në tigan me pak vaj ulliri sa të skuqen, hiqini mënjanë. Po aty kaurdisni domaten me kripë e piper dhe pak ujë nëse duhet. Kur të tretet fare domatja shtoni gjizën, specat, pak spec djegës pluhur dhe hudhrën. E përzieni mirë edhe e skuqni sa të dali yndyra sipër.

Supë me thjerrëza të kuqe

Përbërësit:

• 1 qepë
• 1 karrotë
• 1 patate
• 400 g thjerrëza të kuqe
• Trumzë
• Kripë dhe piper
• Vaj ulliri

Përgatitja:

Në tenxhere kaurdisni qepën, pataten, karrotën dhe trumzën. Shtoni thjerrëzat e kuqe të lara më parë dhe më pas ujë ose lëng kockash, e zieni derisa të zbuten plotësisht. I bluani me blender, rregulloni shijen me kripë edhe piper dhe në pjatë shtoni pak vaj ulliri.

Shkopinj me djathë dhe erëza

Përbërësit:

• 250 g miell
• 110 ml ujë
• 20 ml vaj ulliri
• 1 lugë kripë
• 1 vezë
• 100 g djathë parmigiano i grirë
• Piper dhe rigon sipas dëshirës

Përgatitja:

Në tas rrahim vezën me ujë dhe vaj ulliri, shtojmë miellin dhe pasi të bëhet brumë shtojmë djathin e grirë, piper të zi dhe rigon. Brumin e hapim petë me trashësi 2 cm dhe e presim në shirita 2 cm, i japim formë duke i rrotulluar rreth vetes edhe i pjekim në furrë të parangrohur me 180 ° për 12 minuta.

Byrek dembel

Përbërësit:

• 1 pako peta të gatshme
• 2 vezë
• 1 gotë qumësht
• 1 gotë ujë i gazuar
• 1/2 gotë vaj ulliri
• 100 g djathë

Përgatitja:

Petat e gatshme ashtu si janë tub i presim në feta 1 cm, i hapim me duar edhe i shpupurisim. Lyejmë tavën me vaj ulliri, shtrojmë gjysmën e petave. Në tas rrahim vezët me qumështin, ujin e gazuar dhe kripën. Lagim petat me gjysnën e masës së lëngshme dhe sipër i thërmojmë djathin. Shtrojmë petat e mbetura edhe qumështin. E lyejmë me vaj, e pjekim në furrë të parangrohur me 200 ° për 30 minuta sa të marri ngjyrë.

Mashurka me patate

Përbërësit:

• 1 qepë
• 2 domate
• 500 g mashurka
• 3 patate mesatare
• 2 thelpinj hudhër
• Kripë, piper
• Vaj ulliri

Përgatitja:

Në tenxhere skuqim qepën derisa të zbutet, shtojmë domatet dhe hudhrat. Sapo domatet të zbuten shtojmë mashurkat dhe patatet e prera në copa. Shtojmë ujë sa të mbulohen perimet edhe i ziejmë me temperature mesatare sa të zbuten dhe gjella të mbetet me pak lëng.

Puding në gotë me reçel boronice

Përbërësit:

• 1 litër qumësht
• 100 g sheqer
• 100 g niseshte
• 1 paketë vanilje
• Reçel boronice, sipas dëshirës

Përgatitja:

Në tenxhere shtojmë qumështin, sheqerin, niseshtenë dhe vaniljen. E përziejmë mirë dhe e vendosim të ziejë gjithmonë duke e trazuar derisa të vlojë e të trashet. E hedhim në gota edhe sipër i shtojmë reçel ose biskota të thërmuara.

Patëllxhanë me domate

Përbërësit:

• 4 patëllxhanë
• 1 thelp hudhër
• 2 domate të mëdha
• Borzilok
• Djathë mozarela

Përgatitja:

Patëllxhanët i presim në feta, i marinojmë në kripë edhe i vendosim në tavë të piqen derisa të marrim ngjyrë. Në tigan shtojmë vaj ulliri, hudhrën e grimcuar, borzilok, domatet e grira edhe e ziejmë derisa domatet të treten. Shtojmë patëllxhanët e pjekur, i përziejmë mirë që të vishen nga salca, shtojmé sipër pak thërrime djathi mozarella që të shkrijnë nga nxehtësia edhe e shërbejmë me gjethe borziloku.