Levrek me kumbulla dhe qepë të kuqe

Përbërësit:

• 4-5 qepë të kuqe mesatare
• 500 g kumbulla gjatoshe
• 1 lugë sheqer
• Kripë, piper
• Spec djegës
• 1 gotë verë e bardhë
• 1 lugë e vogël salcë domate
• 2 levrek të mëdhenj
• Vaj ulliri
• Majdanoz

Përgatitja:

Kaurdisni qepët me kripë në vaj ulliri derisa të zbuten, shtoni specin djegës, kumbullat e ndara në mes e të pastruara nga farat, piperin e zi, verën dhe pak salcë. E shtroni masën në tavë. Vendosni sipër peshkun të marinuar me kripë dhe vaj ulliri. Në furrë me 250 ° për 30’ minuta. E shijoni me majdanoz të grirë imët.

Pesto me rukola dhe arra

Përbërësit:

• 200 g rukola
• 100 g arra
• 100 g djathë kaçkavall
• 1 thelpi hudhër
• Lëngu dhe lëkura e 1/2 limoni
• 50 ml vaj ulliri

Përgatitja:

I vendosim të gjitha në blender edhe i bluajmë derisa të bëhet si krem. E shërbeni mbi brusketa ose me makarona, petka etj.

Turshi me kumbulla

Përbërësit:

• 1 kg kumbulla pa fara
• 1/2 tufë majdanoz
• 1/2 tufë mente
• 1 thelp hudhër

Shëllira:

• 4–5 kokrra piper të zi
• 1 gjethe dafine
• 4–5 thelpinj hudhre
• 1 lugë gjelle kripë
• 1 lugë çaji sheqer
• një filxhan kafeje me uthull
• Ujë i zier edhe i ftohur pak për të mbushur kavanozin

Përgatitja:

Kumbullat i pastrojmë nga farat duke mos i ndarë në gjysmë të krijohet si xhep. Grijmë majdanozin, nenexhikun dhe hudhrat, i përziejmë mirë dhe mbushim kumbullat. I vendosim në enën e qelqit, ujin e ziejmë shtojmë dafinën, piperin, sheqerin, kripën dhe uthullën. E shtojmë te kumbullat edhe e mbyllim me kapak. E hapim pas 3-4 ditësh dhe i shijojmë me mishra ose peshk.

Fasule behari

Përbërësit:

• 500 g fasule
• 1 qepë
• 1 spec jeshil
• 1 domate
• Nenexhik
• Kripë dhe piper
• Vaj ulliri

Përgatitja:

Fasulet i ziejmë derisa të zbuten. Në tigan skuqim qepën derisa të zbutet, shtojmë specin dhe më pas domaten e grirë. Shtojmë fasulet dhe lëngun, një pjesë e bluajmë për të trashur lëngun, në fund shtojmë nenexhikun e freskët dhe vajin e ullirit.

Tost francez në tavë

Përbërësit:

• 10 feta buke të vogla
• 4 vezë
• 400 ml qumësht
• 1 vanilje
• 1 lugë e vogël kanellë
• 4 lugë sheqer
• Boronica, mjedra dhe manaferra nga ngrirja
• Gjalpë 50 g dhe pak sheqer për sipër

Përgatitja:

Rrahim vezët me sheqerin pak kripë, vanilje, kanellë dhe qumështin. Zhysim fetat e bukês për disa çaste duke i kthyer disa herë dhe i rreshtojmë te tava e lyer me gjalpë, shtojmë frutat e pyllit dhe qumështin që mbeti në tas. Pak gjalpë dhe sheqer sipër sa të karamelizohen, në furrë për 20 minuta me 180 gradë.

Sallatë me fasule dhe ton

Përbërësit:

• 200 g fasule të ziera
• 2 kuti ton të vogla ose 1 e madhe
• 100 g rukola
• 50 g domate të thata ose të freskëta
• 50 g ullinj
• 1 qepë e kuqe e vogël
• Kripë dhe piper
• Erëza të freskëta sipas dëshirës

Përgatitja:

Fasulet e ziera i bashkojmë në tas me tonin e copëtuar, qepën e kuqe të grirë imët, domatet, ullinjtë, rukolën dhe e marinojmë me kripë, piper, majdanoz dhe vaj ulliri. Shtojmë sipas dëshirës erëza të freskëta si nenexhik ose borzilok.

Pispili me kunguj e miell misri

Përbërësit:

• 4 kunguj të vegjël
• 2 vezë
• 50 ml vaj ulliri
• 200 ml kos
• 100 g djathë
• 250 g miell misri
• Kripë dhe piper
• Kopër

Përgatitja:

Grijmë kungujt në rende, shtojmë vezët, kosin, vajin, djathin, kripë dhe piper. E përziejmë derisa të bëhet një masë, shtojmë miellin dhe fryrësin. E shtrojmë në tavë dhe e pjekim për 30-40 minuta në furrë të parangrohur me 200 gradë sa të marri ngjyrë të artë.

Omletë me domate, djathë e pesto

Përbërësit:

• 2 vezë
• 1 domate
• 1 lugë pesto
• 2 feta djathë mocarela
• Vaj ulliri
• Kripë

Përgatitja:

Thyejmë vezët në një tas, shtojmë pak kripë dhe i rrahim lehtë me pirun. Presim domaten në copa të vogla. Nxehim vajin e ullirit në një tigan dhe kaurdisim domaten për 2–3 minuta, derisa të zbutet pak. Hedhim vezët e rrahura mbi domate dhe e lëmë omletën të piqet në zjarr të ulët për rreth 2 minuta. Vendosim fetat e mocarelës mbi omletë dhe shtojmë peston në pika të vogla. Kur veza të jetë pothuajse e mpiksur, e palosim omletën në gjysmë dhe e lëmë dhe 1–2minuta, derisa mocarela të shkrijë.

Makarona me krem kungulli

Përbërësit:

• 300 g makarona
• 4 kunguj të vegjël
• 1 thelpi hudhër
• Vaj ulliri
• Kripë dhe piper
• Mente e freskët
• Krem djathi
• Ujë nga makaronat nëse duhet për salcën

Përgatitja:

Vendosim ujin për të zier makaronat. Në tigan kaurdisim me vaj ulliri hudhrën dhe kungujt e prerë në copa të vogla. Sapo te zbuten i bluajmë në mikser me kremin e djathit, menten, kripë dhe piper. Ziejmë makaronat, i kullojmë dhe i bashkojmë me kremin e kungujve.

Pilaf tradicional me gjalpë

Përbërësit:

• 1 kupë oriz
• 2 kupa ujë
• 2 lugë gjalpë
• 1 lugë vaj ulliri
• Kripë

Përgatitja:

Fillimisht shkrijmë gjalpin në një tenxhere dhe më pas shtojmë orizin. E kaurdisim për disa minuta, duke e përzier vazhdimisht, derisa kokrrat e orizit të marrin një shkëlqim të bukur. Më pas shtojmë ujin e nxehtë dhe pak kripë. E përziejmë një herë, e lëmë të marrë valë dhe më pas ulim zjarrin. E mbulojmë me kapak dhe e lëmë të ziejë ngadalë, derisa orizi të përthithë të gjithë lëngun dhe të bëhet i butë e i shkrifët

Fileto pule me verë e limon

Përbërësit:

• 1 gjoks pule
• 50 g gjalpë
• 50 ml vaj ulliri
• 1 limon lëngu dhe lëkura
• 1 gotë verë e bardhë
• 50 g miell
• Kaperi
• Shafran
• Kripë, piper

Përgatitja:

Presim hollë filetat e pulës, i marinojmë me kripë dhe piper. I kalojmë në miell dhe i skuqim në tigan me vaj dhe gjalpë nga të dy anët. I shtojmë kaperi, verë të bardhë, lëng dhe lëkurë limoni, shafran dhe tundeni tiganin që salca të trashet e të bëhet njësoj.

Kek me kumbulla

Përbërësit:

• 3 vezë
• 100 g sheqer
• 1 fryrés me vanilje
• 125 g gjalpë i butë
• 150 g kos
• 200 g miell
• 1.5 kg kumbulla
• 1-2 lugë gjelle sheqer

Përgatitja:

Rrahim gjalpin e zbutur me sheqerin, shtojmë vezët dhe kosin, më pas miellin dhe fryrësin. Kumbullat i pastrojmë nga farat, i ndajmë në dy pjesë dhe i bashkojmë me brumin. E vendosim në tavë ku kemi shtruar letër pjekje dhe e pudrosim sipër me sheqer. E pjekim në 180°C për 50 minuta në furrë të parangrohur.

Gjellë me burdullak

Përbërësit:

• 1 qepë
• 1 thelpi hudhër
• 100 g oriz
• 4 domate
• 2 tufa burdullak
• 50 ml vaj ulliri
• Kripë dhe piper
• Borzilok
• Pistil
• Ujë

Përgatitja:

Në vaj kaurdisni derisa të marri ngjyrë të lehtë qepën, shtoni domatet pa lëkurë edhe të prera në copa të vogla, shtoni kripë, piper të zi dhe hudhrën në feta. Shtoni orizin dhe burdullakun e prerë në copa të vogla. Më pas ujë dhe pak borzilok, pistil kumbulle. E zieni ngadalë derisa orizi të zbutet, e shijoni me vaj ulliri dhe piper të zi ekstra.

Domate të vogla të pjekura në furrë me erëza

Përbërësit:

• 1 kg domate të vogla
• Kripë dhe piper
• Vaj ulliri
• Hudhër
• Borzilok
• Për servirje: Bukë të vogla dhe krem djathi ose gjizë

Përgatitja:

Domatet e vogla i presim në mes, i vendosim në tavë ku i marinojmë me kripë, piper, vaj ulliri dhe gjethe borziloku. I pjekim në furrë të parangrohur për gati 30 minuta me 180 ° derisa të zbuten edhe të marrin pak ngjyrë.

Lakror me qepë e domate

Përbërësit brumi:

• 250 g miell
• 100 g kos
• 1 lugë e vogël kripë
• 1/3 lugë e vogël sodë
• Pak ujë

Mbushja:

• 2 qepë
• 4 domate
• Kripë
• Piper
• Vaj ulliri

Përgatitja:

Në tigan kaurdisni qepët me kripë, sapo të marrin ngjyrë shtoni domatet e pastruara nga lëkurat. Kur gjella të mbetet me pak lëng shtoni piper të bluar. E lini të ftohet. Te mielli shtoni pak sodë, kripë, kos dhe pak ujë. Formoni brumin e lakrorit edhe e ndani në dy pjesë. E hapni petë dhe e shtroni te letra e furrës. Hapni edhe petën tjetër. E mbushni me gjellën petën poshtë, vendosni petën tjetër edhe mblidhni anët. E vendosni duke tërhequr letrën te teli i furrës. Furrën e ndizni 5 minuta të nxehet me temperaturë maksimale, me ventilim dhe e vendosni telin me lakrorin në fund fare. Piqet për 12 minuta me temperaturë maksimale pa e lëvizur fare nga fundi.

Papare

Përbërësit:

• 50 g gjalpë
• 100 g djathë
• 3-4 feta bukë e ndenjur
• 1 gotë ujë
• Nenexhik

Përgatitja:

Në tigan të thellë që nuk ngjit skuqim me gjalpë copat e bukës së copëtuar derisa të marrin ngjyrë. E shuajmë me ujë dhe shtojmë djathin e thërmuar. Sipas dëshirës në fund e rregullojmë shijen me nenexhik.

Sardele me domate në furrë

Përbërësit:

• 1 kg sardele
• 2 domate
• 1 thelpi hudhër
• 1 spec djegës
• 2 lugë vaj ulliri
• Kripë dhe piper
• Rigon, trumzë, manxuranë

Përgatitja:

Domatet, hudhrën, specin djegës, kripë, piper, vaj ulliri dhe erëza si rigon, manxuranë, trumzë, të gjitha i kalojmë në blender të bluara derisa të bëhet një masë. Shtrojmë 3/4 e salcës në tavë, rreshtojmë sardelet dhe i lyejmë me salcën e mbetur, pak vaj ulliri dhe i vendosim në furrë të parangrohur në 200° për 20 minuta.

Tortë me fruta pylli

Përbërësit:

• 20 biskota savoiardi
• 250 g krem djathi Arla
• 250 g pana për ëmbëlsira
• 250 g krem mascarpone
• 100 g sheqer pluhur
• 1 paketë vanilje
• 250 fruta pylli
• 1 fjongo

Përgatitja:

Në një plastmas/ qese gatimi rendisim biskotat. Në tas bashkojmë me mikser kremin e djathit, panën dhe mascarponen së bashku me vaniljen dhe sheqerin pluhur. E shtrojmë 3/4 e kremit mbi biskota, shtojmë frutat e pyllit dhe më pas e rrotullojmë duke u ndihmuar nga plastmasi i gatimit. E vendosim mbi mbajtëse, shtojmë sipër kremin e mbetur si dhe fruta pylli për dekor. E vendosim në frigorifer disa orë dhe më pas e shërbejmë.

Çaj i ftohtë me bouganville

Përbërësit:

• 50 g lule boungaville
• 1 limon
• 2 lugë mjaltë
• 500 ml ujë
• Akull

Përgatitja:

Vendosim në tenxhere 500 ml ujë dhe lulet e bouganvilles, sapo të marri valë e heqim nga zjarri edhe e kullojmë në një kanë. Shtojmë lëng dhe feta limoni, mjaltë dhe akull.

Kulaç me kos

Përbërësit:

• 500 g miell
• 200 ml kos
• 1 vezë
• 1 lugë çaji me kripë
• 1 lugë vaj ulliri
• 1 lugë kafe me sodë buke

Përgatitja:

Përziejmë kosin, kripën, vajin me vezën duke i rrahur sa të bëhet një masë, shtojmë sodën e bukës edhe me pas miellin. Formojmë brumin e kulaçit edhe e vendosim në tavë me letër pjekje. E shtypim me duar dhe i bëjmë disa forma me pirun. E vendosim të piqet në furrë të parangrohur me 200° për 30 minuta sa të marri ngjyrë të artë.

Patate të mbushura me djathë

Përbërësit:

• 4 patate të mëdha
• 4 vezë
• 4 lugë gjelle djathë i thërrmuar
• Kripë, piper
• Majdanoz i grirë hollë
• Pak qumësht (nëse masa del e trashë)

Për salcën beshamel:

• 3 lugë gjelle miell
• 2 gota qumësht
• 3 lugë gjelle gjalpë
• 1 vezë
• 2 lugë gjelle kaçkavall i grirë
• 1 lugë gjelle gjalpë për sipër

Përgatitja:

Zieni patatet me lëkurë derisa të zbuten. Pasi të ftohen pak, qërojini, pritini për së gjati dhe nxirrni me kujdes zemrën e tyre. Zemrat e patateve shtypini në formë pureje. Rrihni vezët dhe përziejini me purenë e patateve, djathin e thërrmuar, kripën, piperin dhe majdanozin. Nëse masa është shumë e trashë, shtoni pak qumësht. Mbushni gjysmat e patateve me këtë përzierje dhe vendosini në një tavë të lyer me gjalpë. Përgatitni beshamelin, shkrini gjalpin, shtoni miellin dhe kaurdiseni lehtë. Hidhni gradualisht qumështin duke e përzier vazhdimisht derisa salca të trashet. Hiqeni nga zjarri, lëreni të vaket dhe shtoni vezën e rrahur dhe kaçkavallin e grirë. Hidheni salcën beshamel mbi patatet e mbushura, spërkatini me pak gjalpë (sipas dëshirës, edhe pak kaçkavall të grirë). Piqini në furrë në 180–190°C për 25–30 minuta, derisa të marrin ngjyrë të artë.

Tavë me kunguj, vezë dhe djathë

Përbërësit:

• 300 gr kunguj
• 2 lgj miell
• 3 vezë
• 3 lgj qumësht
• 3 lgj djathë të grirë
• 1 tufë majdanoz
• Proshutë ose sallam sipas dëshirës
• Arrë moskat, piper i kuq
• Kripë, piper i zi

Përgatitja:

Presim kungujt në disqe, i spërkasim me miell, kripë e piper dhe i vendosim në një tavë qelqi të lyer me pak vaj ulliri. Rrahim vezët me qumësht, shtojmë djathë të grirë, kripě, piper dhe arrë moskat. E shtojmë masën mbi kungujt, vendosim disa feta proshutë, e spërkasim sipërfaqen me djathë të grirë dhe e vendosim tavën të piqet në furrë.

Qofte me kunguj

Përbërësit:

• 2 kunguj
• 1 karrotë
• 1 qepë
• 2 thelpinj hudhër
• 2 vezë
• 4 lgj miell
• 1 majë luge sodë
• Kripë, piper i zi
• Vaj për skuqje

Përgatitja:

Grijmë në rende kungullin, shtojmë karrotën gjithashtu të grirë në rende së bashku me qepën e grirë shumë imët. Shtojmë vezët, kripë, piper dhe hudhrat e shtypura. E trazojmë mirë brumin e qofteve dhe në fund shtojmë miellin me pak sodë buke. Vendosim vajin të nxehet në tigan dhe hedhim lugë - lugë qoftet të skuqen në temperaturë jo shumë të lartë.

Byrek me kulaçka me 2 lloje mbushjesh

Përbërësit:

• 500 gr miell
• 1 lugë çaji kripë
• 1 lugë gjelle uthull
• 250-280 ml ujë i vakët
• 3 lugë gjelle vaj

Për mbushjen e parë:

• 500 gr gjizë
• 1 dorë spinaq
• 2 vezë
• Kripë, piper i zi, kopër

Mbushja e dytë:

• 2 patëllxhanë
• 1 spec
• 1 qepë
• Kripë, piper
• 100 gr gjalpë i shkrirë ose 100 ml vaj

Përgatitja:

Zëmë brumin me miellin, kripën, uthullën, vajin dhe ujin derisa të bëhet i butë dhe elastik. E lemë të pushojë 30 minuta. Ndajmë brumin në 10-12 toptha të vegjël. Hapim çdo kulaçkë në petë të vogla, i lyejmë me gjalpë ose vaj, i vendosim njëra mbi tjetrën dhe i lemë të pushojnë 15-20 minuta. Me pas hapim petën e parë, shtrojmë mbushjen dhe e mbyllim petën në gjysmën e tavës. Hapim petën tjetër në gjysmën e mbetur të tavës dhe e mbushim me gjizën, vezët, piperin dhe koperin. Shtrojmë petën tjetër në gjysmën e tavës duke e spërkatur me gjalpë dhe vendosim mbushjen e patëllxhanit me spec dhe qepë. E mbulojmë me gjysmën e petës së mbetur. Lyejmë sipërfaqen me gjalpë dhe e presim byrekun në racione. E pjekim në furrë të parangrohur në 190°C për 45-50 minuta, derisa byreku të marrë ngjyrë të artë dhe të bëhet krokant.

Makarona me salcë bolonjeze

Përbërësit:

• 1 pako makarona
• 500 gr mish i grirë viçi
• 1 qepë e grirë hollë
• 3 thelpinj hudhër të grirë
• 1 karrotë e grirë në rende
• 1 lugë gjelle salcë domatesh (koncentrat)
• 200 gr domate të copëtuara
• 500 ml lëng mishi
• 2 lugë gjelle vaj ulliri
• 1 lugë çaji spec i kuq
• 100 gr djathë parmixhano i grirë
• Borzilok i freskët
• Kripë, piper i zi

Përgatitja:

Ngrohim vajin në një tigan të thellë dhe skuqim mishin e grirë derisa të marrë ngjyrë kafe. Shtojmë qepën, karrotën fhe hudhrën. I gatuajmë për 5–7 minuta derisa të zbuten. Përziejmë koncentratin e domates dhe specin e kuq, pastaj shtojmë domatet e copëtuara. Hedhim lëngun e mishit, rregullojnë shijen me kripë dhe piper dhe e lëmë të ziejë në zjarr të ulët për 20–30 minuta, derisa salca të trashet. Ndërkohë ziejmë makaronat në ujë me kripë sipas kohës së paketimit. Më pas i kullojmë, duke ruajtur pak nga uji i zierjes. Bashkojmë makaronat me salcën. Nëse është e nevojshme, shtojmë pak ujë nga zierja e makaronave për ta bërë salcën më kremoze. I shërbejmë me djathë parmixhano të grirë dhe borzilok të freskët sipër.

Lakror me kunguj të njomë

Përbërësit:

• 4 kunguj mesatar
• 4 filxhanë çaji miell misri
• 4 lugë gjelle gjalpë
• 2 vezë
• 2 gota qumësht
• 1 tufë koper
• Kripë, piper

Përgatitja:

Kungujt e njomë grihen në rende dhe u kullohet lëngu. Përzihen me qumështin, vezët, miellin e misrit, kripën, koprën dhe gjalpin. Në një tavë të lyer me yndyrë hidhet një shtresë e trashë mielli misri dhe spërkatet me pak qumësht ose ujë. Hidhet masa e përgatitur dhe sheshohet. Sipër hidhet një shtresë tjetër mielli misri, laget me qumësht ose ujë, spërkatet me gjalpë të shkrirë dhe piqet në furrë derisa të marrë ngjyrë të artë.

Qull me mish pule

Përbërësit:

• 500 gr mish pule
• 1 qepë e grirë hollë
• 2 lugë gjelle gjalpë ose vaj ulliri
• 1 litër lëng pule (ose ujë)
• 180–200 gr miell misri
• Kripë, piper i zi, piper i kuq
• Pak gjalpë në fund (sipas dëshirës)

Përgatitja:

Kaurdisim qepën me gjalpin derisa të zbutet. Shtojmë copat e pulës dhe i skuqim lehtë nga të gjitha anët. Hedhim lëngun e pulës, pak kripë dhe e lëmë të ziejë rreth 35–45 minuta, derisa mishi të jetë shumë i butë. Nxjerrim mishin, e pastroje nga kockat dhe e copëtojmë. Kur lëngu të vlojë, shtojmë miellin e misrit gradualisht duke e përzier vazhdimisht me tel kuzhine që të mos krijohen kokrriza. E lemë qullin të gatuhet 15–20 minuta në zjarr të ulët, duke e përzier herë pas here. Kthejmë mishin e pulës në tenxhere, e përziejmë për 2–3 minuta. Në fund shtojmë pak gjalpë dhe pak piper të zi ose të kuq të sapobluar.

Sufle me dardha

Përbërësit:

• 2 lgj gjalpë ose margarinë
• 4-5 dardha të mëdha
• 1/3 filxhani sheqer
• 2 lugë gjelle lëng limoni
• 4 të verdha vezësh
• 3 lugë çaji niseshte misri
• 1/2 filxhani krem qumështi
• 1 lugë çaji lëkurë limoni e grirë
• 1/4 lugë çaji vanilje
• 4 të bardha vezësh
• 1/4 filxhani sheqer

Përgatitja:

Largoni nga dardhat pjesën e brendshme të bërthamës dhe një pjesë të dardhave pritini në 7 feta të holla rrumbullake dhe pjesën tjetër priteni në feta të holla. Në një tigan me fund të trashë shkrini gjysmën e gjalpit. Shtoni gjysmën e sheqerit, gjysmën e lëngut të limonit dhe dardhat e prera në feta. Kaurdisini pa kapak derisa të avullojë pothuajse i gjithë lëngu. Lyeni me gjalpë një tavë pjekjeje dhe shtroni dardhat e kaurdisura. Rrihni të verdhat e vezëve derisa të zbardhen. Shtoni kremin e qumështit, niseshtenë, lëkurën e limonit dhe vaniljen, duke i rrahur derisa të bëhen një masë homogjene. Në një enë tjetër rrihni të bardhat e vezëve derisa të fryhen. Shtoni pak nga pak sheqerin e mbetur dhe vazhdoni rrahjen derisa të formohet një marengë e fortë. Bashkojeni me kujdes marengën me përzierjen e të verdhave dhe hidheni mbi dardhat në tavë. Në të njëjtin tigan vendosni gjalpin e mbetur, sheqerin e mbetur, lëngun e limonit dhe fetat e rrumbullakëta të dardhave. Kaurdisini derisa të avullojë lëngu dhe të karamelizohen lehtë. Vendosini fetat e dardhës në mënyrë simetrike mbi suflenë dhe piqeni në 180°C për rreth 30 minuta. Spërkateni me pak sheqer pluhur dhe shërbejeni menjëherë.

Perime të stufuara në tigan

Përbërësit:

• 300 gr lulelakër
• 1 patëllxhan mesatar
• 2 karrota
• 1 qepë e madhe
• 150 gr lakër e kuqe
• 3–4 thelpinj hudhër
• 4–5 lugë gjelle vaj ulliri
• 100 ml ujë ose lëng perimesh
• 1 lugë çaji rigon
• 1 lugë çaji trumzë
• ½ lugë çaji spec i kuq i ëmbël
• Kripë, piper i zi
• Majdanoz i freskët për servirje

Përgatitja:

Ngrohim vajin në një tigan të madh. Skuqim qepën dhe karrotat për 5 minuta derisa të zbuten. Shtojmë hudhrën, e përziejmë për 30 sekonda, shtojmë patëllxhanin dhe e gatuajmë 5–6 minuta. Më pas shtojmë lulelakrën dhe lakrën e kuqe. Rregullojmë shijen me kripë, piper, rigon, trumzë dhe spec të kuq. Hedhim ujin ose lëngun e perimeve, mbulojmë tiganin dhe i lëmë perimet të stufohen në zjarr të ulët për 15–20 minuta, duke i trazuar herë pas here. Kur perimet të jenë zbutur, heqim kapakun dhe i lëmë edhe 2–3 minuta që të avullojë lëngu i tepërt. I spërkatim me majdanoz të freskët dhe i shërbejmë të ngrohta.

Trung çokollate me biskota dhe fruta

Përbërësit:

• 50 gr gjalpë
• 200 gr biskota
• 1 banane
• 300 gr njomëz
• 1 lugë kakao
•  
• Mbushja:
• 50 gr gjalpë
• 50 gr mjaltë
• 50 gr qumësht të kondensuar
• Fruta sipas dëshirës

Përgatitja:

Thërrmojmë biskotat, i kaurdisim në gjalpë duke i shtuar bananen pelte dhe kakaon. E shtrojmë në një qese pelikula. Masën e mbushjes e kalojmë sipër shtresës. Vendosim frutat dhe e mbledhim role. E vendosim në frigorifer për disa orë.

Krahë pule në furrë

Përbërësit:

• 1 kg krahë pule
• 3 lugë gjelle vaj ulliri
• 2 lugë gjelle salcë soje
• 1 lugë gjelle mjaltë
• 3 thelpinj hudhër, të shtypur
• 1 lugë çaji paprika e ëmbël
• 1 lugë çaji rigon
• ½ lugë çaji trumzë
• ½ lugë çaji piper i zi
• 1 lugë çaji kripë
• Lëngu i ½ limoni

Përgatitja:

Përziejmë të gjithë përbërësit e marinadës. Shtojmë krahët e pulës dhe i përziejmë mirë që të mbulohen nga të gjitha anët. I lemë të marinohen të paktën 2 orë, ose idealisht gjatë gjithë natës në frigorifer. Më.pas i pjekim në furrë në 200°C për 40–45 minuta, duke i kthyer në mes të pjekjes, derisa të marrin ngjyrë të artë dhe të bëhen krokantë.

Fokaçe me domate, djathë dhe proshutë

Përbërësit:

• 500 gr miell
• 400 ml ujë i vakët
• 10 gr kripë
• 5 gr maja e thatë (ose 15 gr maja e freskët)
• 1 lugë gjelle vaj ulliri
• 200 gr proshutë
• 200 gr djathë
• 150 gr domate qershi
• 1 tufë borzilok i freskët
• 1 lugë çaji rigon
• Piper i zi
• Pak vaj ulliri

Përgatitja:

Përziejmë ujin me majanë. Shtojmë miellin dhe e lemë 20 minuta. Më pas shtojmë kripën dhe vajin e ullirit. Zëmë brumin derisa të bëhet elastik. E lemë të fryhet 1½–2 orë. Shtrijmë brumin në formë drejtkëndëshi. Shpërndajmë proshutën, djathin, borzilokun dhe domatet qershi. E spërkatim me rigon dhe piper. Palosim brumin disa herë që mbushja të futet në shtresa. E lemë edhe 30–40 minuta të pushojë. Më pas e ndajmë në 6–8 role të gjata dhe e pjekim në 230°C për 18–20 minuta, derisa të marrë ngjyrë të artë.

Patate me mish të grirë në furrë

Përbërësit:

• 1 kg mish i grirë viçi
• 2 qepë të mëdha
• 4-5 thelpinj hudhër
• 4 patate mesatare
• 5 vezë
• 250-300 gr djathë kaçkavall
• 2-3 lugë gjelle majdanoz i grirë
• 1 lugë çaji paprika e ëmbël
• 1 lugë çaji piper i zi
• Kripë sipas shijes
• Vaj ulliri ose vaj luledielli

Përgatitja:

Ziejmë patatet për 6-8 minuta në ujë me pak kripë. Në një tigan të madh skuqim mishin e grirë derisa të ndryshojë ngjyrë. Shtojmë qepët e prera hollë dhe hudhrën dhe vijojmë me kaurdisjen derisa qepët të zbuten. Rregullojmë shijen me kripë, piper të zi dhe paprika. Në një tigan tjetër skuqim lehtë patatet me pak vaj dhe pak kripë derisa të marrin ngjyrë të artë. Bashkojmë mishin me patatet. Rrahim vezët me majdanozin e grirë, pak kripë dhe pak piper. Hedhim përzierjen e vezëve mbi mishin dhe patatet, sipër shpërndajmë djathin e grirë dhe e vendosim në furrë për pak minuta, derisa vezët të mpiksen dhe djathi të shkrihet.

Ëmbëlsirë në gotë me qumësht dhe çokollatë

Përbërësit:

• 500 ml qumësht
• 3 lugë gjelle niseshte
• 300 gr çokollatë me qumësht
• Pak kakao për spërkatje

Përgatitja:

Në një tenxhere përziejmë niseshtenë me pak nga qumështi i ftohtë derisa të tretet plotësisht. Shtojmë pjesën tjetër të qumështit dhe e vendosim në zjarr mesatar, duke e përzier vazhdimisht. Kur masa të fillojë të trashet, e heqim nga zjarri. Shtojmë çokollatën e copëtuar dhe e përziejmë derisa të shkrihet plotësisht dhe të krijohet një krem i lëmuar. Hedhim masën në tasa ose gota ëmbëlsire. E lemë të ftohet në temperaturë ambienti, pastaj në frigorifer për 2–3 orë, derisa të mpikset mirë. E servirim duke e spërkatur me pak kakao.

Byrek me proshutë dhe djathë

Përbërësit:

• 1 petë sfoliatë
• 200 gr proshutë
• 2 kokrra vezë
• 100 gr djathë i bardhë
• 150 gr kaçkavall i grirë
• 150 ml qumësht
• 1 lugë gjelle miell
• 2 lugë gjelle vaj ulliri
• Kripë, piper i zi, arrë moskat

Përgatitja:

Kaurdisni fillimisht proshutën për 2-3 minuta. Hidhni miellin dhe përziejeni për 1 minutë. Shtoni qumështin duke e trazuar vazhdimisht derisa të krijohet një krem i lehtë. Hiqeni nga zjarri dhe lëreni të ftohet pak. Shtoni vezët, djathin e bardhë, një pjesë të djathit kaçkavall, arrën moskat dhe piperin. Shtroni petën e sfoliatës në tavë, hidhni mbushjen dhe spërkateni sipër me pak kaçkavall. Piqeni në 190°C për 30–35 minuta, derisa të marrë ngjyrë të artë dhe të fryhet bukur.

Gjellë me bizele, patate dhe karrota

Përbërësit:

• 400 gr bizele
• 2 patate
• 2 karrota
• 5 kërpudha
• 3 qepë të njoma
• 1 spec i kuq
• 1 lgj salcë domate
• 1 tufë koper
• 1 lç kerri
• Vaj ulliri
• Kripë, piper
• Leng mishi

Përgatitja:

Fillimisht kaurdisim qepët e njoma me selinonë spërkatur me pak kripë. Më pas shtojmë salcën e domates, vazhdojmë kaurdisjen për 1 minutë duke shtuar më pas karrotat, patatet të prera në kubikë dhe kërpudhat. Shtojmë ujë në masë të përbërësve (të mbulohen rreth 2 gisht) dhe i lemë në temperaturë mesatare derisa të zbuten. Në 10 minutëshin e fundit shtojmë bizelet (bizelet e frigoriferit nuk duan më shumë se 10 minuta zierje). Rregulllojmë shijen me kripë, piper, kerri. Grijmë kopërin dhe specin e kuq dhe e lemë gatimin me kapak mbyllur për pak minuta.